Швецияның батысында бетперде киген белгісіз біреу төрт бала мен бір ересек адамды қылышпен жарақаттады, - деп хабарлайды РИА Новости жергілікті полицияға сілтеме жасап.
Оқиға болған жерге жеткен құқық қорғау органдарының қызметкерлері шабуыл жасаған адамға оқ атты. Оның жағдайы әзірше белгісіз. Оқиғаның мән-жайы толығырақ хабарланбады.
Еске сала кетейік, осыған ұқсас оқиға Шымкентте де болған еді. Шымкент тұрғыны мұғалім әйелін оқушыларының көзінше пышақтап тастады. 26 жыл бірге өмір сүрген ерлі-зайыпты үш бала тәрбиелеп өсірген. Ұлы мен қызы әкесінің аналарын үнемі ұрып-соғып, жылатып, қорлап келгенін айтты.
