1. Басты
  2. Біл
  3. Жаңалықтар
  4. Жаһан

Тоқаев Қырғызстан президенті туралы пікір білдірді 14 қазан 2020, 06:58

Мемлекет басшысы Қасым-Жомарт Тоқаев Қырғызстан президенті Сооронбай Жээнбековке қатысты пікір білдірді, - деп хабарлайды Tengrinews.kz тілшісі.
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек

Мемлекет басшысы Қасым-Жомарт Тоқаев Қырғызстан президенті Сооронбай Жээнбековке қатысты пікір білдірді, - деп хабарлайды Tengrinews.kz тілшісі.

"Президент Сооронбай Жээнбеков – мемлекеттің легитимді басшысы. Сондықтан оның қақтығыстарды тоқтатып, елдегі ахуалды қалыпқа келтіруге бағытталған әрекеттерін қолдаймын. Қазақстан үшін Қырғызстандағы тұрақтылық стратегиялық серіктес әрі одақтас ретінде маңызды", - деп жазды Тоқаев Twitter желісіндегі парақшасында.

Мемлекет басшысы Қырғыз еліндегі жағдайдың тұрақтанып жатқанына қуанатынын да атап өтті.

"Бауырлас Қырғыз еліндегі жағдайдың біртіндеп конституциялық жолға қайтқаны қуантады. Біз барлық саяси күштерді қақтығыстардың алғашқы сәтінен-ақ сабырға шақырдық", - деді ол.

Еске салайық, 5 қазанда басталған Бішкекте митингіге шыққандар мен қарулы күштердің текетіресі 6 қазан сағат 20.00-ден бастап "Ақ үйге" басып кірумен аяқталды. Республиканың заңнамалық органына өтпей қалған партия жақтастары қақпаны жүк көлігімен бұзып, ішке кірді.

Қазақстан жаңалықтары. Соңғы жаңалықтар. Telegram желісінде бізге жазыл! 



Firebase Cloud Messaging