+7 (777) 001 44 99
ПОДЕЛИТЬСЯ
Украина президентінің міндетін атқарушы Александр Турчиновтың айтуынша, Украинаның конституциясына өзгерістер осы жылдың қыркүйек-қазан айларында енгізілмек. Бұл туралы ол "Украина" телеарнасына берген сұқбатында айтты, деп хабарлайды Tengrinews.kz РБК сайтына сілтеме жасай отырып.
Украина президентінің міндетін атқарушы Александр Турчиновтың айтуынша, Украинаның конституциясына өзгерістер осы жылдың қыркүйек-қазан айларында енгізілмек. Бұл туралы ол "Украина" телеарнасына берген сұқбатында айтты, деп хабарлайды Tengrinews.kz РБК сайтына сілтеме жасай отырып.
Конституцияға енгізілетін өзгерістерге сәйкес елдегі кейбір аймақтардың, аз ұлттардың құқықтары кеңейе түспек. Бұл мәселе бір айдан кейін қарастырыла бастайды. "Мамырдың аяғына дейін алғашқы оқылымда конституциялық өгерістерге дауыс бере аламыз деп үміттенімін", деді Турчинов. Сондай-ақ ол Киевтегі орталық биліктің жергілікті өзін-өзі басқаруға ниетті екенін жеткізді.
"Біз өз аймағымызды басқаратын жетекшіні өзіміз таңдағымыз келеді. Өйткені қазіргі таңда қандай жағдай болса да, Киев кінәлі болуда", деді Президенттің міндетін атқарушы. Украинадағы аймақтардың құқығын кеңейту туралы мәселе 17 сәуірде өткен Женевадағы келісімінің нәтижесінен кейін басталған. 18 сәуірде Турчинов және премьер-министр Яценюк те осындай мәлімдеме жасады. Естеріңізге сала кетейік, Женевада Украинадағы дағдарысты талқылауға байланысты ЕО, Ресей, АҚШ және Украина өкілдерінің кездесуі өткен болатын.
"Украина азаматтарының арасында татулық, түсіністік болуы үшін облыстық, аудандық, қалалық кеңес мемлекеттік украин тілімен қатар орыс тіліне ресми тіл мәртебесін беру туралы шешім қабылдау еркі беріледі", дейді Турчинов.
Украинаның премьер-министрі барлық аймақтық тілдерге арнайы мәртебе берілетінін айтты. "Біз орыс тіліне арнайы мәртебе беріп отырмыз. Аймақтағы басқа да тілдерге дәл осындай арнайы мәртебе қарастырылуда", деді ол. Сондай-ақ Яценюк аймақтарға өкілеттілік беруге қатысты конституцияға өзгерістер енгізуге Үкімет толықтай даяр екенін жеткізді.
