Бірқатар жойқын жер сілкінісінен бес күн өткен соң Венесуэла билігі құрбандар санының артқанын және шығын көлемі туралы хабарлады. Табиғи апат мыңдаған адамды баспанасыз қалдырып, жүздеген ғимаратты қиратты және билікті ондаған уақытша панажай ашуға мәжбүр етті, деп хабарлайды Tengrinews.kz тілшісі El Estímulo басылымына сілтеме жасап.
Бірқатар жойқын жер сілкінісінен бес күн өткен соң Венесуэла билігі құрбандар санының артқанын және шығын көлемі туралы хабарлады. Табиғи апат мыңдаған адамды баспанасыз қалдырып, жүздеген ғимаратты қиратты және билікті ондаған уақытша панажай ашуға мәжбүр етті, деп хабарлайды Tengrinews.kz тілшісі El Estímulo басылымына сілтеме жасап.
Венесуэла Ұлттық ассамблеясының төрағасы Хорхе Родригес қаза тапқандар саны 1719 адамға жеткенін, тағы 5034 адам жарақат алғанын хабарлады. Оның айтуынша, 22 мыңнан астам адам зардап шеккен.
Жаңа видеолардан 24 маусымда болған #Venezuelaтарихи қос жер сілкінісінің қуатын көруге болады. Дүмпуден адамдар жерге құлап, бірнеше секундтан кейін бірқатар құрылыстар қирап жатыр. Қос сілкіністің магнитудасы 7.2 және 7.5 болды, олардың арасы небәрі 39 секунд. #SNNews pic.twitter.com/K9xSsE4PdN
— SN News (@SNNews_Media) June 30, 2026
Ең ауыр жағдай Ла-Гуайра штатында қалыптасты. Елде 2500-ден астам нысан зақымдалған, оның 189-ы толығымен қираған. Негізгі дүмпулерден кейін 609 афтершок тіркелді.
Зардап шеккендер үшін Ла-Гуайрада 15 ірі панажай, ал басқа өңірлерде тағы 50-ге жуық орын ашылды. Билік ең көп зардап шеккен штатта электр қуатымен қамтудың 90 пайызы қалпына келтірілгенін және мыңдаған отбасыға көмек көрсетіліп жатқанын мәлімдеді. Зардап шеккендерге кемінде 22 мың азық-түлік жиынтығы жеткізілді.
БАҚ Венесуэлада жойқын жер сілкінісінен бірнеше күн өткен соң да үйінділер астынан тірі қалғандар табылып жатқанын хабарлады.
Үйінді астында қалып қойған ерлі-зайыпты аман-есен құтқарылды. #Venezuela
— Noticias Zona Norte (@n_zonanorte) June 30, 2026
Жер сілкінісінен кейін олар қамалып қалған жерден тебіреністі видео түсіріп, егер өздері шыға алмаса, ұлдарына қамқор болуды өтінген. Бірнеше сағаттан соң құтқару топтары оларды алып шықты pic.twitter.com/yCwmIYg5Wh
Құтқарушылар үйінділер арасынан 9 айлық сәби мен оның анасын, сондай-ақ әкесі мен ұлын алып шықты.
Венесуэлада әкесі ұлының аман қалғанына қуанып, көз жасына ерік берді. Венесуэладағы жер сілкінісінен төрт күн өткен соң әкесі мен баласы үйінді астынан құтқарылды. #Venezuela #Terremoto #Sismo #earthquake #Caracas pic.twitter.com/8cQuYzK05P
— Juan Cos Ambrosio (@juancosambrosio) June 30, 2026
Еске сала кетейік, 25 маусымда Венесуэлада 39 секунд айырмашылықпен магнитудасы 7,2 және 7,5 болатын екі қуатты жер сілкінісі болды. Дүмпу ошағы 10 шақырым тереңдікте, ал эпицентрі Мороннан оңтүстік-батысқа қарай 16 шақырым жерде орналасқан.
Бұған дейін Қазақстан Президенті Қасым-Жомарт Тоқаев табиғи апат салдарынан көптеген адамның қаза болуына байланысты Венесуэла Президентінің міндетін атқарушы Делси Родригеске көңіл айтты.
