+7 (777) 001 44 99
Алматының Медеу ауданындағы негізгі көшелер кептелістен арылмай кетті. Бұл туралы алматылық жүргізушілер жазып жатыр, - деп хабарлайды Tengri Auto.
Жүргізушілер танымал навигатор-картада пікір қалдырып жатыр. Онда Луганский, Омарова, Тәттімбет және Жамақаев көшелерінде "Жол жұмыстары" белгілері көптеп пайда болған.
Скриншот: 2GIS
Скриншот: 2GIS
Скриншот: 2GIS
Жабылған жолдардағы көлік ағыны көршілес ірі көшелер мен даңғылдарға – Достық, Назарбаев, Сейфуллин және Сәтбаевқа ауысты, соның салдарынан бұнда да кептеліс пайда болған.
Скриншот: 2GIS
Жөндеу жұмыстары қашан аяқталады?
Жолдар Медеу ауданындағы газ құбырын желілерге қосу жұмыстарына байланысты жабылған. Әкімдік бұған дейін хабарлаған мәлімет бойынша, 12-16 мамыр аралығында жұмыстың екі кезеңінің біріншісі өтеді, соған байланысты Омарова көшесінің Тәттімбет көшесімен қиылысында, Луганский көшесінің Армянская көшесінен Әл-Фараби даңғылындағы көпірге дейінгі бөлігінде қозғалыс шектелді.
Ал Жамақаев көшесіндегі жұмыстар 17 мамырда аяқталады.
