Геннадий Головкин келесі жекпе-жегін қай аренада өткізетінін шешті

03 Сәуір, 11:52
0
Геннадий Головкин келесі жекпе-жегін қай аренада өткізетінін шешті - Геннадий Головкин. Фото: HBO Boxing
Геннадий Головкин. Фото: HBO Boxing

Орта салмақта әлемнің бұрынғы чемпионы қазақстандық Геннадий Головкин (38-1-1, 34 КО) келесі жекпе-жегін қай аренада өткізетінін шешті, - деп хабарлайды Vesti.kz.

LA Times ақпараты бойынша, GGG келесі кездесуін өткізу үшін Нью-Йорктегі Madison Square Garden аренасын таңдаған. Головкиннің DAZN стриминг қызметімен келісімшарт бойынша бірінші жекпе-жегіне ең қолайлы уақыт ретінде 8 маусым аталып отыр.

Бүгін, 3 сәуірде Головкиннің командасы Нью-Йорк штаты атлетикалық комиссиясының өкілдерімен жиналып, MSG аренасында осы мерзімде жұдырықтасу мәселесін талқыламақ. Егер 8 маусым болмаса, келесі нұсқа ретінде 14 маусым, жұма қарастырылады. Өйткені 15 маусымға Лас-Вегаста Тайсон Фьюридің кездесуі мен UFC-дің жекпе-жек кешін трансляциялау жоспарланған.

Мұның алдында Головкин рингке 8 маусымда оралатыны және қарсыласы The Contender реалити-шоуының жеңімпазы, америкалық Брэндон Адамс (21-2, 13 КО) болатыны хабарланған еді.

Қыркүйекте қазақстандық орта салмақта WBC, WBA (Super) чемпионы мексикалық Сауль "Канело" Альвареспен (51-1-2, 35 КО) үшінші жекпе-жек өткізеді деп жоспарланып отыр.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай