Головкин - "Канело" екінші жекпе-жегінің жеңімпазымен шаршы алаңға кім шығады?

15 Қаңтар 2018, 10:07
0
Головкин - "Канело" екінші жекпе-жегінің жеңімпазымен шаршы алаңға кім шығады? - © vk.com/ggolovkin
© vk.com/ggolovkin

Орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкин (37-0-1, 33 КО) мен мексикалық Сауль "Канело" Альвареспен спарринг өткізген америкалық боксшы Уго Сентено (26-1, 14 КО) қос мықтының арасында өткен жекпе-жекте кімнің басым болатыны жайлы айтты, - деп хабарлайды Vesti.kz.

"Бұл ашық ұрыс болды. Бірақ, менің ойымша,  Головкин басым болды. Мен екеуімен де шаршы алаңда жаттығу өткіздім, олар тура мен айтқандай нәтиже көрсетті. Головкин екінші жекпе-жекке дейін қартайып кетпесі анық, алайда олай болатын болса, бұл "Канело" үшін жақсы мүмкіндік. Ол жас, әрі өте тәжірибелі жігіт, сондай-ақ ол қазақстандық қарсыласынан не күтерін біледі. Бұрындары мен кімнің жеңімпаз болатыны туралы нақты айта алмаған болсам, бүгінде толық сеніммен айта аламын. Бірінші жекпе-жекте сөзсіз Головкин жеңіске жетті, ал екіншісінде Альварес басым болатынына сенімдімін", - деді Сентено BoxingScene.com порталына берген сұхбатында. 

Айта кетейік, Бүкіләлемдік бокс кеңесі (WBC) Сентеноға орта салмақта "уақытша" чемпион атағына таласу үшін қарсылас тағайындады. Ол шаршы алаңда өз отандасы WBС рейтингінде бірінші нөмірлі Джермалл Чарломен (26-0, 20 КО) жұдырықтасады. 

Осы кездесудің жеңімпазы Головкин - "Канело" жеңімпазымен жұдырықтасады. 

Осыған дейін Де Ла Хойя Головкин - "Канело" жекпе-жегінің екінші кездесуін өткізуге кімнің кедергі келтіріп жүргені жайлы айтқан еді

Головкин мен Альварестің командалары екінші жекпе-жек өткізу үшін келіссөздерді бастап кетті. Олар 2018 жылы 5 мамырда шаршы алаңда қайта кездесуі мүмкін.

Айта кетейік, 16 қыркүйекте Лас-Вегаста өткен жекпе-жек қорытындысы бойынша Головкин мен Альварес тең түсіп, Головкин барлық титулын сақтап қалды.

Сондай-ақ, кейінірек жекпе-жектің толық видеосы жарияланды. Сонымен қатар, Спорттық комиссия басшысы "Канелоның" пайдасына дауыс берген төрешіні шеттетті. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай