16 ақпан 2018 | 17:32

Құралай Анарбекова өзін ақтайтын кино, өсек және сұлулық байқаулары жайлы. Ләйлә Сұлтанқызымен "The Эфир"

Мөлдір Қалықова

Актриса әрі продюсер Құралай Анарбекова Ләйлә Сұлтанқызы жүргізетін "The Эфир" жобасының жаңа қонағы болды, - деп хабарлайды Tengrinews.kz тілшісі.

Актриса әрі продюсер Құралай Анарбекова Ләйлә Сұлтанқызы жүргізетін "The Эфир" жобасының жаңа қонағы болды, - деп хабарлайды Tengrinews.kz тілшісі.

Құралай Анарбекова сұхбатында жеке өмірі жайлы, отбасы және өзінің бизнесі туралы әңгімеледі. Сондай-ақ, ол сұлулық байқауларына қатысты ойын және ерсі ұсыныстар жайлы ашық айтты.

Мұнымен қоса, актриса киноға қалай келгенін, "Жаужүрек мың бала" тарихи драмасындағы Қорлан рөліне қалай дайындалғанын айтып өтті.

Айта кетейік, Құралай Анарбекова 2017 жылы "Брат или брак" фильмінің бас продюсері болды. Ал 2018 жылы актриса жаңа фильм түсіруді жоспарлап отыр екен, алайда фильмнің не жайлы болатынын нақтыламады.

Құралай Анарбекова Ақтөбе облысында дүниеге келген. Ақтөбе қаласының атынан "Қазақстан аруы - 2006" байқауына қатысқан. Бүкілресейлік мемлекеттік кинематография институтында білім алып, Игорь Толстуновтың "Профит" продюсерлік фильмінде жұмыс істеген. 2013 жылы "Кино" номинациясы бойынша "Серпер" мемлекеттік сыйлығының лауреаты атанған.

Мұның алдында Ләйлә Сұлтанқызымен "The Эфир" жобасына "Нұрлан мен Мұрат" дуэті, аралас жекпе-жектен белгілі файтер Қуат "Найман" Хамитов Қазақстанның еңбек сіңірген әртісі Бауыржан Ибрагим, музыкалық продюсер Жан Мұқанов, түріктің белгілі әншісі әрі актер Юсуф Чим, эстрада әншісі Тамара Асар, композитор Ренат Гайсин, әнші, "МузАРТ" тобының солисі Сәкен Майғазиев, белгілі композитор әрі қоғам қайраткері Төлеген Мұхамеджанов, белгілі әзілкеш, шоумен Тұрсынбек Қабатов, бокстан Олимпиада чемпионы Данияр Елеусінов, "КешYou" экс-солисі Ақбота Сейітмағамбет, белгілі айтыскер ақын Айнұр Тұрсынбаева және актер Тәуекел Мүсілім қонақ болған еді.