Атыраулық полицейлер 1 тоннадан астам заңсыз балық тасымалдаған күдіктілерді анықтады, - деп хабарлайды Tengrinews.kz тілшісі.
Polisia.kz мәліметінше, 22 сәуірде Құрманғазы ауданы Шарон өзені бойында 1987 жылы және 1991 жылы туған аудан тұрғындарының қайығын тексеру кезінде жалпы салмағы 1 203 келі балық тәркіленген. Оның ішінде сазан, жайын, көксерке, құтықаракөз қара балықтары болған.
Аталған дерек бойынша ҚР Қылмыстық кодексінің 335-бабы 3-бөлігімен сотқа дейінгі тергеу амалдары жүргізіліп жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
