10 қараша 2016 | 18:23

Есіктегі жаппай зорлау оқиғасы: Прокурор сотталушыларға 11 жыл сұрады

Айдос Қосыбаев

Жібек Мусинова

Еңбекшіқазақ аудандық сотында зорланған Жібек Мусиноваға қатысты істің жарыссөзі өтті, - деп хабарлайды Tengrinews.kz тілшісі. Сотталушылар саны төртеу. Сот отырысының барлық процесі жабық түрде өтті.

Еңбекшіқазақ аудандық сотында зорланған Жібек Мусиноваға қатысты істің жарыссөзі өтті, - деп хабарлайды Tengrinews.kz тілшісі. Сотталушылар саны төртеу. Сот отырысының барлық процесі жабық түрде өтті.

Жәбірленушінің адвокаты Айман Омарованың айтуынша, прокурор барлық сотталушыға 11 жылға бас бостандығынан айыруды сұраған.

Айта кетейік, сот ғимаратының алдында бір топ жас жігіттер мен қыздар жиналып, үлкен қағаздарға мынадай жазбалар жазып келген: "Әділ сот үшін", "Біз зорлық-зомбылыққа қарсымыз" және "Әйел адамды сыйлаңыз".

Еске салайық, Есіктегі жаппай зорлау оқиғасы 14 тамызға қараған түні болған. Бұл іс қоғамда дүрлігу туғызды. 22-29 жас аралығындағы төрт ер адам күдікті, олардың бірі Алматы тұрғыны. Олардың барлығы ұсталып, екі айға қамауға алынды.