1. Басты
  2. Біл
  3. Оқиға
  4. Қылмыс

Талғат Ермегияев жазасын Астанадағы қатаң тәртіптегі колонияда өтеп жатыр

Талғат Ермегияев сот залында. © Тұрар Қазанғапов Талғат Ермегияев сот залында. © Тұрар Қазанғапов

Талғат Ермегияев колонияға кезеңделді, - деп хабарлайды Tengrinews.kz тілшісі. 

Бүгін "Астана ЭКСПО-2017" ұлттық компаниясының бұрынғы басшысының 5 қыркүйекте Астанадағы қатаң тәртіптегі колонияға ауыстырылғаны белгілі болды. Талғат Ермегияев осыған дейін болған тергеу изоляторындағылардың айтуынша, сотталушы 166/10 түзету мекемесіне жеткізіліпті. Қатаң тәртіптегі бұл колония Астанада орналасқан.

Еске салайық, істің басты фигуранты Талғат Ермегияев 14 жылға бас бостандығынан айырылған еді. Сонымен қатар, оның мүлкі тәркіленіп, мемлекеттік және коммерциялық ұйымдарда жетекшілік қызмет ету құқығынан өмір бойына айырылды.