Астанада ұялы телефон ұрлаған адам видеоға түсіп қалды 02 тамыз 2016, 09:23
Астанадағы дүкендердің бірінде ұялы телефон ұрланған сәт видеоға түсіп қалды, - деп хабарлайды Tengrinews.kz тілшісі.
Видеодан Сарыарқа даңғылы,15 үйде орналасқан балаларға арналған тауарларды сататын дүкендегі телефонды ұрлаған сәт көрінеді. Дүкен иесінің айтуынша, ол басқа келушілермен сөйлесіп жатқанда, ер адам оның iPhone 6 телефонын ұрлап кеткен.
Дүкен иесі полицияға арыз жазды. Айта кетейік, осыған дейін Алматы облыстық ІІД өкілдері ұрланған ұялы телефондарды сатып алушыларды жазалайтын ережені енгізетінін айтқан еді. Сондай-ақ, олар ұрлыққа қатысты 2016 жылы бес айдың ішінде 4000 арыздың түскенін айтты.
- ПОДЕЛИТЬСЯ