Жоғалып кеткен 23 жастағы әйел Талғардан табылды

06 Ақпан 2018, 15:01
0
Жоғалып кеткен 23 жастағы әйел Талғардан табылды - Анастасия Букова. © ktk.kz
Анастасия Букова. © ktk.kz

Алматы облысында полицейлер жоғалып кеткен екі баланың анасы Анастасия Букованы тапты, - деп хабарлайды Tengrinews.kz тілшісі облыстық ІІД баспасөз қызметіне сілтеме жасап.

23 жастағы келіншек 19 қаңтарда үйінен кетіп, сол күйі оралмаған еді.

"Талғар ауданының полициясы із-түссіз жоғалып кеткен келіншекті тапты. Анастасияның айтуынша, ол осы уақытқа дейін Талғардағы танысының үйінде болған. Ал үйден күйеуімен ұрысып қалғандықтан кетіп қалған", - деп хабарлады ІІД өкілдері.

Полицейлердің Анастасияны 17 күн іздестіргені айтылады.

Осыған дейін БАҚ 23 жастағы Анастасияның жоғалып кеткені жайлы хабарлаған болатын.

Телеарнаның мәліметінше, Анастасияның екі кішкентай баласы бар.  Ол 20 қаңтарда ауруханаға дәрігерге қаралуға кетіп, сол күйі оралмаған. Екі күннен кейін келіншек күйеуіне хабарласқан. Оған жұмыс тапқанын және жақын арада үйге қайтатынын хабарлаған. Бірақ нақты қай жақта екенін айтпаған. Туыстары Анастасияны біреулердің күштеп ұстап отырғанына сенімді. 

"Хабарласып, барлығы жақсы, мейрамханада жұмыс істеп жүрмін. Бастапқыда қалада жұмыс істеп жүргенін айтты. Сосын Қапшағайдамын деді де асығып телефонды қоя салды", - деген еді Анастасияның күйеуі Сергей Буков. Күйеуінің айтуынша, Анастасия балаларын ешқашан осылай ұзақ уақытқа тастап кетпеген.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай