+7 (777) 001 44 99
Қазақша
Русский
English
Қазақша
Русский
English
Павлодар облысы прокуратурасының өкілдері көлікпен қағып кеткен соң, суға батырылған әйелдің ісіне қатысты жазаның неге жеңіл болғанын түсіндірді, - деп хабарлайды Tengrinews.kz тілшісі.
Еске салайық, Павлодар облысының 26 жастағы тұрғыны әйелді қағып кетіп, кейін оны көлікке салып, суға батырады. Сот ер адамды "Абайсызда адам өлтіру" бабы бойынша кінәлі деп тауып, 1,5 жылға бас бостандығынан айырады. Әлеуметтік желі қолданушылары үкімді тым жеңіл деп есептеп, түсінік талап етті.
Ал Павлодар облысы прокуратурасының өкілдері сот үкімінің негізі бар болғанын айтады. Сот отырыстары кезінде мемлекеттік айыптаушы істі ҚР ҚК-нің 99-бабының 2-таракының 10-тармағынан ҚР ҚК-нің 104-бабының 1-тарауына ауыстыруды шағым берген.
"Мұндай шешім сот отырыстары кезінде айыпталушының адамды қасқана өлтіргені туралы дәлелдің болмағанына байланысты қабылданды", - делінген Павлодар облысы прокурорының орынбасары Бауыржан Мырзакеровтың Tengrinews.kz тілшісінің сауалына қайтарған жауабында.
Ресми жауап бойынша, сотталушы әйел адамның тірі екенін білмеген. Әйел адамның суда тұншығып мерт болғанын ол сот-медициналық сараптама қорытындысы шыққанан кейін ғана білген.
