+7 (777) 001 44 99
ПОДЕЛИТЬСЯ
Қарағанды облысының Қарқаралы ауданында бюджеттен 53 миллион теңге жымқыруға қатысы бар тұрғын үй-коммуналдық шаруашылығы бөлім басшысы сотталды, - деп хабарлайды Tengrinews.kz тілшісі.
Қарағанды облысының Қарқаралы ауданында бюджеттен 53 миллион теңге жымқыруға қатысы бар тұрғын үй-коммуналдық шаруашылығы бөлім басшысы сотталды, - деп хабарлайды Tengrinews.kz тілшісі.
"9 сәуірде "Қарақаралы ауданы тұрғын үй инспекциясының ТКШ, ЖКАЖ бөлімі" ММ басшысы 2016 жылы "Нұрлы жер" бағдарламасы бойынша бөлінген бюджет қаржысынан 52 миллион теңге жымқырғаны үшін алты жылға бас бостандығынан айырылды", - деп хабарлады Қарағанды облысы бойынша Сыбайлас жемқорлыққа қарсы іс-қимыл агенттігі басшысының орынбасары Ерік Есенов.
Сот үкімі бойынша, ол алты жылға бас бостандығынан және мемлекеттік қызметте қызмет ету құқығынан өмір бойына айырылды. Сотталушының мүлкі тәркіленбейді және жазасын қауіпсіздігі орташа қылмыстық-атқару мекемесінде өтейді.
Сот мәліметі бойынша, 39 жастағы бұрынғы шенеунік кінәсін толық мойындап, прокурормен келісімге келген. Ол осы лауазымда 2015 жылдан бері болған.
Іс материалы бойынша, әйел адам бұл іске өзінің азаматтық некедегі күйеуін тартқан. Жалған кәсіпорын арқылы тендер ұтып алып, жұмысты асырып көрсетілген бағамен жасаған. Айта кетейік, әйелдің азаматтық некедегі күйеуіне қатысты іс оның өліміне байланысты тоқтатылды. Бұл іске қатысты өзге тұлғаларға қатысты қозғалған іс бөлек қаралады.
Кесілген жазаны сотталушы 5 жылдан кейін өтейді, өйткені оның емізудегі баласы бар. Сонымен қатар, сотталушыдан 19 миллион теңге көлемінде материалдық шығын өндірілді.
