1. Басты
  2. Біл
  3. Оқиға
  4. Тосын жай

Шортандыдағы жарылыс: қаза тапқандардың туыстары оқиғаның мән-жайын айтты 18 қараша 2021, 09:16

Шортандыдағы тұрғын үйде болған жарылыс салдарынан қаза тапқандардың туыстары қайғылы оқиғаның мән-жайын айтып берді, - деп хабарлайды Tengrinews.kz
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек
  • Қате таптыңыз ба?

Фото: Тengrinews Фото: Тengrinews

Шортандыдағы тұрғын үйде болған жарылыс салдарынан қаза тапқандардың туыстары қайғылы оқиғаның мән-жайын айтып берді, - деп хабарлайды Tengrinews.kz тілшісі "Астана" арнасына сілтеме жасап. 

Нұрымбай Тоқтарұлы бірден екі келіні мен небәрі 4 жастағы кішкентай немересінен айырылды. Ол көрші үйде тұрады, оқиға болған күні балалар қонақтарды қарсы алғанын айтады. Сондықтан үйде бес ересек және алты бала болған. Кештің осылай аяқталатынын ешкім күтпеген.

"Бәрі - балаларым, немерелерім. Олар бөлек тұрды. Өрт кезінде ішке кіруге тырыстым, бірақ мені жас жігіттер тоқтатты. Содан кейін біреудің жедел жәрдем көлігінде жатқанын көріп, есімнен танып қалдым. Есімді жиғанда, олар менің балаларымды алып, осында қойды", - дейді Нұрымбай Тоқтарұлы.

Жарылыс сағат 21:38-де болды, бірақ өрт тек түн ортасында ауыздықталды. Көршілерінің айтуынша, балаларды өздігінен терезелерден лақтырған. Ал жалынды үйдегі су қорымен сөндіруге тура келген.

"Өрт сөндірушілер 20 минуттан кейін келді. Бұған дейін адамдарды өзіміз шығардық. Барлығы тірі қалуы мүмкін еді", - деді көршісі Қапкей Жолдас.

"Алдымен бір көлік келіп, бірден кетіп қалды, өйткені су болмады. Екіншісі мұздатылған сумен келді. Олар көлікті үйдің кіреберісіне дейін кіргізбек болды, бірақ отын жоқ болып шықты. Итеруге тура келді", - дейді Үкімет Бағлан отбасының тағы бір көршісі.

Телеарнаның мәліметінше, зардап шеккен 10 адам әлі күнге дейін ауруханаларда жатыр. Алты адамды астанаға әкелген. Қазір екі ересек адам есін жиған. Бірақ 12, 10, 5 жастағы балалар және бір жасар бала қатты күйікке байланысты ауыр және өте ауыр жағдайда жатыр. Олардың отбасыларына уақытша жалға пәтерлер берілді, ал қаза тапқандардың туыстарына билік жерлеу рәсіміне көмектесуге уәде берді.

"Қазір әкімдікпен жерлеуді ұйымдастыру бойынша жан-жақты көмек көрсетіліп жатыр. Бұдан ары тұрғын үй сатып алу қарастырылған. Олар көшеде қалмайды", - деді Ақмола облысы әкімінің орынбасары Малғаждар Тәткеев.

Бұған дейін 16 қарашада Ақмола облысы Шортанды кенті Линейная көшесінде газ баллоны жарылғаны хабарланған болатын. Жарылыстан 3 адам қаза тауып, 10 адам ауруханаға жатқызылған. Кейін зардап шеккендер арасында балалар бары айтылды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!



Join Telegram