Алматыда тегін автотұрақшылар пайда болды, - деп хабарлайды Tengrinews.kz тілшісі қалалық әкімдіктің баспасөз қызметіне сілтеме жасап.
"Жүргізушілердің назарына! Сіздерді "Алматы спецтехпаркинг сервис" ЖШС-ның арнайы нысан киімдеріне назар аударуыңызды сұраймыз. Қызметкерлердің басты мақсаты - қала бойынша көлік жүргізушілерге тегін көмек көрсетуі", - делінген хабарламада.
Сонымен қатар, қызметкерлердің арнайы белгісі, ұйымның атауы және нысан үстінде "ақысыз" деген тән жазбасы болады екен. "Егер де бөтен нысанымен бақылаушы қызметкерлерін байқасаңыздар сіздерді 109 немесе 380- 05- 16 нөміріне хабарласуыңызды сұраймыз", - дейді баспасөз қызметіндегілер.
Еске салайық, 20 қазанда Алматының көлік тұрағы инфрақұрылымын дамыту мәселесіне қатысты өткен жиында 1 қарашадан бастап тротуарлық типтегі автотұрақтарға ақының төленбейтіндігі жазылған еді. Салық төлеу кезінде заңбұзушылықтардың көптеп болуымен және келісімшарттағы міндеттердің орындалмауынан осындай шешім қабылданған.
"Бұл тыйымдар сауда орындарындағы, ойын-сауық орталықтары мен әуежай, вокзал және басқа да жер телімдерінде орналасқан автұрақтарға қойылып отыр. Тыйым салу 2016 жылы Алматы қаласындағы Ақылы автотұрақтар жүйесі енгізілгенге дейін қолданылатын болады", - деп жазылған хабарламада.
