+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Бауыржан Байбек Алматыда Денис Теннің есімін мәнгі есте сақтау мәселесін жеке бақылауға алды, - деп хабарлайды Tengrinews.kz тілшісі.
Бауыржан Байбек Алматыда Денис Теннің есімін мәнгі есте сақтау мәселесін жеке бақылауға алды, - деп хабарлайды Tengrinews.kz тілшісі.
"Денис Тенмен болған қайғылы жағдай бүкіл әлемді дүрліктірді. Біз қазақстандықтардың ауызбірлігін, жаны ашығандарын және күйінішін көрдік. Денистің ата-анасымен екі рет кездестім. Алдыңғы күні анасымен көрістік", - деді Бауыржан Байбек Қоғамдық кеңестің отырысы барысында.
"Алматы қаласы жыл сайын жастар арасында мәнерлеп сырғанаудан өтетін халықаралық турнирге әлем жұлдыздарын шақырады. Алматы - қысқы спорт түрлерінің қаласы. Сондықтан бұл турнир біздің қаламыз үшін керек. Ескерткіш орнату жайлы да айтқан болатынбыз. Құрамында Денистің анасы болатын арнайы комиссия ұйымдастырдық. Байқау жариялаймыз. Спортшының туыстарында Денис Тен жайлы кітап жазуға болатын материалдар бар. Сондай-ақ, біз қажетті қаржылай көмек көрсетеміз. Осы мәселенің барлығы менің жеке бақылауымда болады. Бізге берілген тапсырма - Бауыржан Байбек Денис Теннің өлімі жайлы: Мұндай трагедия қайталанбауы үшін қолдан келгенді жасау қажет", - деді Алматы әкімі.
Мұның алдында Құрманғазы мен Байсейітова көшелерінің қиылысында даңқты мәнерлеп сырғанаушы Денис Теннің құрметіне ескерткіш орнатылатыны хабарланған еді. Сондай-ақ, оған "Халық қаhарманы" атағын беру ұсынылған болатын.
Еске салайық, 19 шілдеде Алматыда белгісіз біреулер Денис Тенді пышақтап кеткен болатын. Оқиға шамамен 15.00-де Құрманғазы мен Байсейітова көшелерінің қиылысында болған. Кейін қалалық ІІД өкілдері Денис Тенге автоұрылар шабуыл жасағанын мәлімдеді. Сөйтсек, спортшы ұрылардың үстінен түскен болып шықты. Жанжал кезінде спортшының аяғына пышақ тиіп, көп қан жоғалтқан. Ол ауруханада көз жұмды.
Кейінірек қоғам белсенділері ІІМ мен ІІД басшылығын ауыстыруды талап ететіндерін мәлімдеген еді.
