+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Жаңаөзенде жеке тұлғалардың көлік салығы бойынша берешегі 151 миллион теңгеден асты, - деп хабарлайды Tengrinews.kz тілшісі Маңғыстау облысы бойынша Мемлекеттік кірістер департаментіне сілтеме жасап.
Жаңаөзенде жеке тұлғалардың көлік салығы бойынша берешегі 151 миллион теңгеден асты, - деп хабарлайды Tengrinews.kz тілшісі Маңғыстау облысы бойынша Мемлекеттік кірістер департаментіне сілтеме жасап.
Ресми деректерге сүйенсек, қазір Жаңаөзендегі жеке тұлғалардың көлік салығы бойынша қарызының жалпы сомасы 151 миллион теңгеден асты. Рейд барысында төлемақы төлемегендерден 342 мың теңге өндіріп алынған.
"Салықтарды төлемеудің келеңсіз салдарын болдырмау үшін салық төлеушілерге салықтық міндеттемелерін тексеріп, берешегі бар болса, оны мүмкіндігінше тезірек төлеу ұсынылады (айыппұлдар әрбір кешіктірілген күн бойынша есептеледі). Тексерушілер: дереу төлеген дұрыс екенін, әйтпесе қарыз сот арқылы өндірілетінін еске салды. Бұл жағдайда сома өсуі мүмкін", - деп ескертті Маңғыстау облысындағы МКД көлік иелеріне.
Жергілікті борышкерлерге әкімшілік және қылмыстық жауапкершілік туралы ресми ескертулер берілгені айтылды.
"Жұмыс барысында тағы бір тиімді шаралардың бірі қолданылған – борышкердің берешегі толық өтелгенге дейін көлік құралын пайдалануға шектеу (тұраққа орналастыру). 969 мың теңгеден аса салықты төлемегені үшін екі Lexus 470 және Lexus 350 жол талғамайтын көліктері тұраққа қойылған. Алдағы уақытта бұл шара жыл аяғына дейін тұрақты түрде жалғасады", - деп хабарлады Маңғыстау облысы бойынша МКД.
Айта кетейік, қарызды kgd.gov.kz сайты мен e-Salyq Azamat мобильді қосымшалары және екінші деңгейлі банктер арқылы тексеруге болады.
Жаңаөзен қалалық мемлекеттік кірістер басқармасы салық берешегі 1 АЕК-тен (3 450 теңге) асатын көлік иелерін мәжбүрлі өндіріп алу шараларын күтпей-ақ, қарызын толық өтеуге шақырды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
