Сингапур президенті Халима Якоб мемлекет басшысы Қасым-Жомарт Тоқаевтың өмірбаянындағы деректі еске алды, - деп хабарлайды Tengrinews.kz тілшісі Ақорданың баспасөз қызметіне сілтеме жасап.
Қазақстанға мемлекеттік сапармен келген Халима Якоб Қасым-Жомарт Тоқаевпен келіссөздер барысында Мемлекет басшысы дипломатиялық мансабын Сингапурда бастағанын еске алды.
Онда Қазақстан Президенті 1975-1979 жылдар аралығында жұмыс істеген болатын.
"Сіз 1970 жылдары Сингапурде дипломат ретінде болдыңыз. Әрине, бұл да біз үшін өте маңызды, біздің қарым-қатынастарымыз әлдеқайда ертерек құрылған. Мұны бәрі біледі деп ойлаймын. Сіз көптеген тілде еркін сөйлейсіз: қытай, орыс және менің ойымша, француз және әрине, ағылшын тілін, қазақ тілін білесіз, тіл жағынан өте таланттысыз", - деді Халима Якоб.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
