Маусымның 19-21 аралығында Қазақстанның басым бөлігінде ауа райы жауын-шашынды болады, - деп хабарлайды Тengrinews.kz тілшісі "Қазгидромет" РМК-ға сілтеме жасап.
Синопиктердің болжамынша, алдағы күндері ауа-температурасы нормадан аздап ауытқиды.
"Бірінен кейін бірі ауысатын циклондар және онымен байланысты атмосфералық фронттар республиканың көптеген облыстарында жаңбыр мен найзағай, бұршақ, жылдамдығы секундына 15-20 метрге дейінгі күшті жел, оңтүстікте шаңды дауыл тудырады. Солтүстік аймақтарда ауа температурасы 1-3 градусқа нормадан төмен болады, ал қалған аумақта 3-5 градусқа нормадан жоғары болады", - делінген хабарламада.
