+7 (777) 001 44 99
ПОДЕЛИТЬСЯ
Жамбыл облысындағы инженерлік оқ-дәрілер қоймасында шыққан өрт сол жерде сақталған тротил жануынан туындауы мүмкін, - деп хабарлайды Tengrinews.kz тілшісі Қорғаныс министрлігі өкілдеріне сілтеме жасап.
Жамбыл облысындағы инженерлік оқ-дәрілер қоймасында шыққан өрт сол жерде сақталған тротил жануынан туындауы мүмкін, - деп хабарлайды Tengrinews.kz тілшісі Қорғаныс министрлігі өкілдеріне сілтеме жасап.
Ведомство өкілдерінің айтуынша, өрт динамикасы инженерлік оқ-дәрілердің жануына тән. Аспандағы іздерге келетін болсақ, олар қоймада сақталған сигналдық картридждердің өртенуіне байланысты болуы мүмкін.
"Айта кетейік, Арыс қаласындағы өрт салдарын жойғаннан кейін бұл қоймаға инженерлік оқ-дәрілердің бір бөлігі жеткізілген. Бұл оқ-дәрілер жергілікті жарылыстарға арналған және алыс қашықтықтағы снарядтармен жабдықталмаған", - делінген ведомство хабарламасында.
Сондай-ақ, Жамбыл облысына оқиға орнына бір ұшақпен қорғаныс министрі, төтенше жағдайлар министрі және қорғаныс ведомствосының комиссиясы келді.
Жағдай толықтай бақылауға алынды - Бердібек Сапарбаев
Еске салайық, Жамбыл облысы Байзақ ауданында орналасқан әскери бөлімде сағат 19.00 шамасында қоймалардың бірінің жанында өрт шыққан. Өрт салдарынан анықталмаған заттар жарылған. Жақын маңдағы тұрғындар эвакуацияланғаны анықталды.
Бұған дейін Жамбыл облысында әскери қойма жарылысынан зардап шеккендер саны 60-қа жеткені хабарланған болатын.
Тараз тұрғындарының айтуынша, қалада жарылыстар әлі де жалғасып жатыр. Кейін әскери қоймаларда не сақталғаны белгілі болды.
Мемлекет басшысы Қасым-Жомарт Тоқаев та Жамбыл облысында жарылған әскери қоймаларға қатысты пікір білдірді. Ол жарылыс кезінде кімдер жарақат алғанын, сондай-ақ қылмыстық іс қозғалғанын айтты. Ол Тараз тұрғындарын сабырға шақырды.
Жарылыстардан кейін Индустрия және инфрақұрылымдық даму министрлігі қауіпсіздік үшін жолдарға шектеу қойылғанын хабарлаған болатын.
Жамбыл облысындағы жарылыстар: жедел желі нөмірлері жарияланды
Еске салайық, 2019 жылдың наурыз айында Арыс қаласындағы қоймада жарылғыш заттар жанып, утилизацияланған оқ-дәрілер жарылған еді. Оқиға салдарынан үш адам қаза тауып, тағы 17 адам жарақат алды. Қоймадағы жарылыстың себебі - дұрыс сақтамау және жарылыс қаупі бар заттармен жұмыс істеу.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
