+7 (777) 001 44 99
Қазақша
Русский
English
Қазақша
Русский
English
Теміртауда жедел жәрдем қосалқы станциясы аумағында фельдшер әріптесіне шабуыл жасаған, - деп хабарлайды Tengrinews.kz тілшісі.
Жанжал әлеуметтік желілерде видео тарағаннан кейін резонанс тудырды. Видеоны, болжам бойынша, жәбірленуші әйел-фельдшердің өзі түсірген. Кадрларда ер адам айқайлап, әйелге қарай ұмтылғанын көруге болады. Шабуыл сәтінің өзі видеоға түспеген – телефон оның қолынан түсіп қалған болуы мүмкін. Алайда аудиожазба жалғасып, оқиға барысы естіледі. Видеодан бейәдеп сөздер мен куәгерлердің агрессорды тоқтатуға тырысып жатқанын естуге болады.
Кейін әлеуметтік желіде соққыға жығылған қыздың суреттері пайда болды. Кадрларда оның қолына гипс салынғаны, денесінде көгерген гематомалар бары көрінеді. Облыстық жедел жәрдем станциясының әкімшілігі 103 temirtau ресми парақша еместігін мәлімдеді.
Қарағанды облысының Денсаулық сақтау басқармасы оқиға 13 сәуірде Теміртаудағы жедел жәрдем қосалқы станциясында болғанын растады.
"Екі қызметкер арасындағы жанжал кәсіби міндеттерге байланысты емес, жеке қарым-қатынас негізінде туындаған. Шабуыл жасаған адам еңбек демалысында болған және қосалқы станция аумағына заңсыз кірген. Ол демалыстан кейін жұмысқа шыққанда, оған қатаң тәртіптік шаралар қолданылады", – деді Қарағанды облысы Денсаулық сақтау басқармасының баспасөз қызметі.
Ресми мәлімет бойынша, жәбірленушіге қажетті медициналық көмек көрсетіліп жатыр, ал жедел жәрдем станциясы оның құқықтарын қорғауға қолдау көрсетіп жатыр.
Облыстық Полиция департаменті 30 жастағы Теміртау тұрғынына жасалған шабуыл дерегі бойынша қылмыстық іс қозғалғанын хабарлады. 29 жастағы әріптесі ұсталған.
"Сотқа дейінгі тергеу аясында барлық қажетті тергеу әрекеттері жүргізіліп жатыр. Қақтығыс қызметтік міндеттерге байланысты емес, жұмыс орнында жеке себептермен болғаны анықталды. Қақтығысқа қатысушылар ем алғаннан кейін тиісті сараптамалар тағайындалады", – деді Қарағанды облысы ПД баспасөз қызметі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
