Венесуэла Ұлттық ассамблеясының спикері Хорхе Родригес елдегі жойқын жер сілкінісі салдарынан қаза тапқандар саны 1943 адамға жеткенін мәлімдеді, деп хабарлайды Tengrinews.kz тілшісі РИА Новостиге сілтеме жасап.
Венесуэла Ұлттық ассамблеясының спикері Хорхе Родригес елдегі жойқын жер сілкінісі салдарынан қаза тапқандар саны 1943 адамға жеткенін мәлімдеді, деп хабарлайды Tengrinews.kz тілшісі РИА Новостиге сілтеме жасап.
"Қаза тапқандар саны – 1943, жараланғандар – 10 571 адам", - деді ол.
🔊 #Actualización | Ұлттық ассамблея төрағасы Хорхе Родригес осы #30jun күні #24jun болған жер сілкінісінің зардаптары туралы жаңа деректерді ұсынды. #Venezuela🇻🇪.
— El Pitazo (@ElPitazoTV) June 30, 2026
📊 Қазіргі мәлімет бойынша 1 943 адам қаза тауып, 10 571 адам жарақат алды, сондай-ақ 15 866 отбасы баспанасыз қалды.
👉… pic.twitter.com/uFrL2hJt7z
Үйінділер астынан барлығы 6461 адам құтқарылды, 13 400 - 13 500-ге жуық адам өз бетінше немесе туыстары мен көршілерінің көмегімен шыға алған.
🟡 #EnVideo | 24 маусымда орталық жағалауда болған 7.2 және 7.5 балдық қос жер сілкінісінен кейінгі Катия-ла-Мардағы Плайя-Гранде ауданында орналасқан «Мисион Вивиенда» тұрғын үй кешенінің аянышты көріністері.#Globovisión #Nacionales pic.twitter.com/CZcLM0QsiW
— Globovisión (@globovision) Шілде 1, 2026
Бұған дейін Родригес қаза тапқандар саны 1719 адамға жетіп, тағы 5034 адамның жарақат алғанын хабарлаған болатын. Оның мәліметінше, барлығы 22 мыңнан астам адам зардап шеккен.
Еске сала кетейік, 25 маусымда Венесуэлада 39 секунд аралығында магнитудасы 7,2 және 7,5 болатын екі қуатты жерасты дүмпуі болды. Жер сілкінісінің ошағы 10 шақырым тереңдікте, ал эпицентрі Морон қаласынан оңтүстік-батысқа қарай 16 шақырым жерде орналасты.
Бұл жерасты дүмпулері елде соңғы 126 жылда болған ең қуатты сілкініс ретінде тіркелді.
250-ден астам ғимарат зақымдалды немесе толықтай қирады. Ең күрделі жағдай Ла-Гуайра штатында қалыптасып отыр.
Қазақстан Президенті Қасым-Жомарт Тоқаев табиғи апат салдарынан көптеген адамның қаза табуына байланысты Венесуэла президентінің міндетін атқарушы Делси Родригеске көңіл айтты.