Қасым-Жомарт Тоқаев Маңғыстау облысында халықпен кездесу барысында өзінің суреті қойылған билбордтарға қатысты пікір білдірді, - деп хабарлайды Tengrinews.kz тілшісі Ақорданың Twitter желісіндегі парақшасына сілтеме жасап.
"Ақтауда менің суретім қойылған оннан аса билборд жайлы естідім. Мұны орынсыз деп санаймын, ондай сипаттағы насихаттау маған керек емес", - деп келтіреді Тоқаевтың сөзін баспасөз қызметіндегілер.
"Билбордтарды мемлекетімізді Елбасымызбен бірге жетістікке жеткізгендерге арнау керек. Бұл менің барлық деңгейдегі әкімдерге беретін тапсырмам", - деді Президент.
© twitter.com/alexcosmonavt
Еске салайық, 11 сәуірде Қасым-Жомарт Тоқаев Ақтауға жұмыс сапарымен барған болатын.