Ақтөбе облысында зираттардан қоршауларды ұрлаған күдікді ұсталды, - деп хабарлайды Тengrinews.kz тілшісі қалалық ІІД баспасөз қызметіне сілтеме жасап.
16 сәуірде полиция қызметіне Кірпішті ауылы аумағында орналасқан зират меңгерушісі хабарласып, белгісіз азаматтың металл қоршауды ұрлап кеткенін айтқан.
"Жедел-іздестіру шараларын ұйымдастыру барысында учаскелік полиция инспекторлары металл қабылдау орындарын тексерді және осы қабылдау орындарынан аталған қоршаулар табылды. Металл қабылдау орны қызметкерінің айтуынша көлікпен келіп, қоршауларды тапсырған", - дейді Ақтөбе қалалық Ішкі істер департаментінің баспасөз қызметіндегілер.
Кейін учаскелік полиция инспекторлары бақылау камералары арқылы автокөлікті анықтап, осы қылмысты жасаған күдіктіні ұстаған.
Аталған дерек бойынша ҚР Қылмыстық кодексінің 188-бабы бойынша сотқа дейінгі тергеу-тексеру амалдары жүргізіліп жатыр.