19 мамыр 2022 | 17:23

Нұр-Сұлтанда колледж студенттері тарих сабағында шашын тықырлап алып тастады

Сымбат Сатыбалдина

Видео кадры

Нұр-Сұлтанда колледж студенттері тарих сабағында шашын тықырлап алып тастады, - деп хабарлайды "Еуразия бірінші арнасы".

Нұр-Сұлтанда колледж студенттері тарих сабағында шашын тықырлап алып тастады, - деп хабарлайды "Еуразия бірінші арнасы".

Телеарна мәліметінше, студенттердің бұл әрекетін қолдаған мұғалім жұмыстан босатылған. Колледж студенттері телеарна редакциясымен байланысқан. Олар бұл жай әзіл екенін, ал ол үшін мұғалімді жұмыстан босату дұрыс емес екенін айтқан.

Студенттердің айтуынша, ата-аналары да олардың мұндай қадамға баруына қарсы болмаған.

"Әкем "жігітке ұқсап қалыпсың" деді. Анам да дұрыс қарады", - дейді студенттердің бірі.

Колледж студенттері мұғалімнің арқасында жақсы оқи бастағанын, сабақтан қалу да азайғанын айтады. Енді студенттер петицияға қол жинап жатыр. Бүгінде петицияға 80 адам қол қойған.

Колледж әкімшілігі мұғалімнің мұндайды қолдауы дұрыс емес екенін және ол өз еркімен жұмыстан шыққанын айтты.