Армения президенті Армен Саркисянға Лондондағы операциядан кейін коронавирус диагнозы қойылды, ол өзін оқшаулады. Бұл туралы ел президентінің әкімшілігі мәлім етті, - деп хабарлайды РИА Новости.
"Президент өзінің демалысы аясында Жаңа жылды Лондонда отбасымен және немерелерімен қарсы алды. 3 қаңтарда Саркисянның аяғына ота жасалды, ол сәтті өтті. Бірақ президентте коронавирустың симптомдары байқалды, оның сынағы оң нәтиже көрсетті", - деді агенттік дереккөзі.
Саркисян қазіргі уақытта оқшауланған, жұмысын уақытша қашықтан жалғастырады.
2020 жылдың жазында Армения премьер-министрі Никол Пашинян коронавирус жұқтырғаны хабарланған болатын.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
