Италия билігі елде карантин жариялады. Елде коронавирустың тарауына байланысты төтенше жағдай туралы Италия премьер-министрі Джузеппе Конте мәлімдеді, - деп хабарлайды Euronews.
Енді Италия тұрғындарына үйден қажет жағдайда ғана шығуға кеңес беріліп, іс-шараларға тыйым салынып, оқу орындары жабылды.
"Ең дұрысы - үйде отыру. Италияның болашағы - біздің қолымызда. Өзімізге артылған жауапкершілікті сезінуіміз керек. Біз Ломбардиядағы жағдайға байланысты шараны бүкіл ел бойынша қолдануға шешім қабылдадық", - деп мәлімдеді Италияның премьер-министрі Джузеппе Конте.
Италияда коронавирусқа байланысты музей, кітапхана, бассейндер мен барлар жабылған. 10 наурыздан қабылданған шектеулер 3 сәуірге дейін жалғасады.
ДДСҰ коронавирусқа байланысты мәлімдеме жасады
Айта кетейік, соңғы тәулікте Италияда коронавирустың жаңа түрінен 97 адам қайтыс болған, олардың жалпы саны - 463. Италия вирусты жұқтырғандар саны бойынша Қытайдан кейін екінші орында - 9 мыңнан аса адам. Ал қайтыс болған адамдар саны бойынша бірінші орында.
Қазақстан жаңалықтары. Соңғы жаңалықтар. Telegram желісінде бізге жазыл!