Реклама +7(700) 388 81 09
  1. Басты
  2. Біл
  3. Жаңалықтар
  4. Жаһан

Кенияда 70-тен аса піл қырылып қалған 20 мамыр 2022, 10:21

Кениядағы ең ірі "Цаво" ұлттық паркінде қатты құрғақшылық салдарынан 78-ге жуық піл қырылып қалған, - деп хабарлайды Nation Africa.
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек
  • Қате таптыңыз ба?

©REUTERS ©REUTERS

Кениядағы ең ірі "Цаво" ұлттық паркінде қатты құрғақшылық салдарынан 78-ге жуық піл қырылып қалған, - деп хабарлайды Nation Africa.

Туризм және жабайы табиғат жөніндегі министрлік хатшысы Наджиб Балала пілдер 2021 жылғы шілдеден 2022 жылғы сәуірге дейін қырылғанын айтты.

2021 жылғы санаққа сәйкес, экожүйеде 14 964 піл өмір сүреді. Министрдің айтуынша, климаттың өзгеруі табиғатты қорғауда үлкен проблемаға айналып отыр. Өйткені жануарлар әлі де құрғақшылықтан зардап шегіп жатыр.

"Жабайы жануарлардың заңсыз саудасынан бірнеше пілден айырылдық, бірақ климаттың өзгеруі де осындай үлкен проблемаға айналды. Өйткені құрғақшылық салдарынан көптеген жануар қырылды", - деді ол.

Құрғақшылық Цаво ұлттық паркіндегі өмірге теріс әсер етеді, бұл жабайы жануарларды көрші ранчолар мен елді мекендерге көшіруге мәжбүр етеді. Сонымен қатар, адам мен жабайы табиғат арасындағы қақтығыс жағдайларының санын арттырады.

Sunday Nation жүргізген тексеріс нәтижесі ұңғымалардағы су деңгейі төмендегенін көрсетті. Өзендер сияқты басқа да су көздері кеуіп кеткен, ал кейбір суаратын жерлер лас немесе олар да құрғап қалған.

Африка жабайы табиғат қорының (AWF) экологы Кен Кимитеяның айтуынша, құрғақшылық жабайы табиғатқа қатты әсер етті. Оның айтуынша, дағдарыс жалғасса, пілдердің саны одан әрі төмендеуі мүмкін.

"Климаттың өзгеруі - проблема, өйткені піл күніне шамамен 200 келі тамақ жеп, 200 литр су ішеді. Құрғақшылық жалғасса, одан да көп піл қырылуы мүмкін", - деді ол.

Басылым мәліметінше, құрғақшылық қаупін азайту үшін үкімет 13 су қоймасын салуды жоспарлап отыр. Сондай-ақ, 200 000 ағаш отырғызылатын экожүйе басталды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!



Join Telegram