1. Басты
  2. Біл
  3. Жаңалықтар
  4. Жаһан

Ким Кардашьян Таулы Қарабақтағы жанжалға қатысты пікір білдірді28 қыркүйек 2020, 09:45

Фото: peopletalk.ru Фото: peopletalk.ru

Актриса, фотомодель Ким Кардашьян Таулы Қарабаққа байланысты туындаған Әзербайжанмен қақтығыста Арменияны қолдады. Бұл туралы ол Instagram-дағы жеке парақшасында жазды, - деп хабарлайды Tengrinews.kz тілшісі.

Кардашьянның пікірінше, Армения Әзербайжанның негізсіз шабуылына ұшырап, Бакудың жалған ақпарат тарату науқанының құрбаны болған.

"Жаңалықта қате кеткен, бұл қақтығыс емес", - деп жазды ол.

Ким Кардашян аймаққа тергеу жүргізу үшін халықаралық бақылаушыларды жіберуге, сондай-ақ қақтығыстың одан әрі өршуіне жол бермеу үшін халықаралық саяси және дипломатиялық шараларды қолдануға шақырды.

Әзербайжан 550 армян әскері қаза тапқанын және жараланғанын мәлімдеді - БАҚ

Сонымен қатар, ол өз оқырмандарын Ақ үйге және АҚШ Конгресіне хабарласып, Түркияның қақтығысқа қатысуына жол бермеу және Әзербайжанның армяндарға қарсы кез келген әскери ұрысты тоқтатуды сұрады.

НАТО Таулы Қарабақтағы жанжалға қатысты пікір білдірді

Сондай-ақ, шілдеде армян-әзербайжан шекарасында қақтығыс басталған кезде Кардашьян Әзербайжанның шекарадағы шабуылдарды тоқтатуға және Арменияны қолдауға шақырған болатын.

Әзербайжан Қорғаныс министрлігі үш танк жойылды деген ақпаратты жоққа шығарды

Еске салайық, 27 қыркүйек күні таңертең Армения мен Әзербайжан арасындағы қақтығыс шиеленісті. Таулы Қарабақта соғыс жағдайы енгізілді. Армения да Қарабақтағы оқиғаларға байланысты әскери жағдай мен жалпы мобилизация жариялады.

Бүгіннен бастап Әзербайжанда да соғыс жағдайы енгізілді.

Қазақстан жаңалықтары. Соңғы жаңалықтар. Telegram желісінде бізге жазыл!