Қазақстан заңдары Экономика сабақтары
KZ RU
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 336.39
EUR / KZT - 390.28
CNY / KZT - 52.42
RUB / KZT - 5.36

Кубадағы әуе апаты: Назарбаев көңіл айтты

19 Мамыр, 13:35
12
© Twitter.com
© Twitter.com

Нұрсұлтан Назарбаев Куба Республикасы Мемлекеттік кеңесінің және Министрлер кеңесінің төрағасы Мигель Марио Диас-Канель Бермудеске көңіл айту жеделхатын жолдады, - деп хабарлайды Tengrinews.kz тілшісі Ақорданың сайтына сілтеме жасап.

Мемлекет басшысы Гавана қаласының маңында жолаушылар ұшағының апатқа ұшырауы салдарынан көптеген адамның қаза болғаны туралы хабарды зор күйзеліспен қабылдады.

"Осынау қиын сәтте, қаза болғандардың туыстары мен жақындарының, сондай-ақ барлық Куба халқының қайғысына ортақтасып, Қазақстан халқының және жеке өзімнің атымнан көңіл айтамын.

Зардап шеккендердің бәрінің тезірек сауығып, отбасыларына оралуына тілектестік білдіремін", - делінген жеделхатта.

Еске сала кетейік, Кубада жұма күні бортында жүзден аса адамы бар Boeing-737 ұшағы апатқа ұшырады. Cubana de Aviacion әуе компаниясының ұшағы Гаванадан Ольгинге бағыт алған. Әуе кемесі Гавана әуежайынан ұшып шыққанына бірнеше минут өткенде құлаған. Ұшақ бортында экипаж мүшелерін қосқанда 110 адам болған. Кейін төрт адамның тірі екені айтылды - үш әйел мен бір ер адам. Алайда, ауруханаға бара жатқан жолда ер адам қайтыс болды. Кейінірек тағы бір әйелдің көз жұмғаны хабарланды.

Получить короткую ссылку


Нравится
Поделиться
Пікірлерді көру (12)
Оқылып жатыр
Талқыланып жатыр
Бүгін
Апта
Ай