+7 (777) 001 44 99
Қазақша
Русский
English
Қазақша
Русский
English
Үкіметте қазақстандықтардың жеке деректерін тарап кетуден және онлайн-алаяқтардан қалай қорғау керек екені талқыланды, - деп хабарлайды Tengrinews.kz тілшісі.
Премьер-министр Олжас Бектенов интернет-алаяқтық жағдайларының көбейіп бара жатқанын атап өтті. Олардың ішінде жеке деректердің таралуына байланысты қылмыстар да бар. Ол жауапты ведомстволардан бұл мәселені шешу үшін қандай шаралар қабылданып жатқанын сұрады.
"Біріншіден: мемлекеттік жеке деректерге қол жеткізуді бақылау сервисі іске қосылды. Оған 70 пайыздан астам мемлекеттік ақпараттық жүйе қосылды. Сервис азаматтардың келісімін жинақтайды және жеке деректерге қол жеткізу кезінде хабарлама жібереді.
Екіншіден: байланыс операторларымен жұмыс үйлестірілді. Алаяқтардың қоңырауларын анықтап, бұғаттайтын антифрод-орталықтар құрылды. Олар Ұлттық банктің антифрод-орталығымен біріктірілген", – деді цифрлық даму, инновациялар және аэроғарыш өнеркәсібі министрі Жаслан Мәдиев үкімет отырысында.
Министрдің айтуынша, жаңа SIM-карталар сатып алу кезінде биометриялық тіркеу енгізіледі. Сондай-ақ, SIM-карталарды заңсыз үшінші тұлғаларға беру және SIM-бокстарды заңсыз пайдалануға жауапкершілік қарастырылады.
"Бұдан бөлек, "СТОП кредит" сервисі іске қосылды. Бұл сервис халық арасында қолданылып жатыр. Үшіншіден: жеке деректерді қорғау талаптарын бұзғаны үшін заңнамалық жауапкершілік күшейтілді. Алаяқтардың әрекетін шектеу және олардың жұмысына кедергі жасау үшін бірқатар заңнамалық нормалар әзірленді. Қазіргі уақытта бұл нормалар Парламент депутаттарының қарауында. Біз бұл бағытта жұмыс істеуді жалғастырамыз", – деп сендірді цифрландыру министрі.
