Головкиннің Мюрреймен жекпе-жек алдындағы жаттығуының видеосы жарияланды

Геннадий Головкин. ©boxingscene.com

WBA (Super), IBO және WBC (Interim) тұжырымдары бойынша орта салмақтағы әлем чемпионы Геннадий Головкиннің Мартин Мюрреймен болатын жекпе-жекке дайындығы түсірілген видео пайда болды, - деп хабарлайды Vesti.kz "Вконтакте" желісіндегі "Геннадий GGG Головкин" тобына сілтеме жасап.

WBA (Super), IBO және WBC (Interim) тұжырымдары бойынша орта салмақтағы әлем чемпионы Геннадий Головкиннің Мартин Мюрреймен болатын жекпе-жекке дайындығы түсірілген видео пайда болды, - деп хабарлайды Vesti.kz "Вконтакте" желісіндегі "Геннадий GGG Головкин" тобына сілтеме жасап.

Топтың мәліметінше, Геннадий Головкин жекпе-жекке дайындық кезеңінде соңғы жүгірісін өткізген. 15 ақпан күні оның командасы Монте-Карлоға ұшып кетті. Толығырақ мына жерден оқи аласыздар.

Айта кетейік, бұған дейін Геннадий Головкин мен ағылшын боксшысы Мартин Мюррейдің жекпе-жектен бір апта бұрынғы салмақ өлшеу рәсімінен сәтті өткені хабарланған еді.

Геннадий Головкин мен ағылшын боксшысы Мартин Мюррей арасындағы жекпе-жек Монакода 22 ақпанға қараған түні өтеді. Оны әлем бойынша HBO телеарнасы, Қазақстан бойынша "Қазақстан" телеарнасы тікелей эфирде көрсетеді. Жекпе-жек Астана уақыты бойынша сағат 04.45-те басталады.

Екі боксшы үшін де бұл жекпе-жек кәсіби алаңдағы 32-кездесу болады. Головкин бұған дейінгі кездесулерінің бәрінде жеңіске жеткен. Оның ішінде, 28 жекпе-жектің 18-ін қатарынан мерзімінен бұрын жеңіспен аяқтады. Мюррей өз кездесулерінде 29 рет жеңіп, бір рет жеңілген, бір рет тең түсті.

Монако Головкин Геннадий