19 шілде 2019 | 14:23

Қанат Ислам Президентке алғыс айтты

Есет Төлеш

Қанат Ислам мен Қасым-Жомарт Тоқаев. © Ақорда

Мемлекет басшысы Қасым-Жомарт Тоқаев кәсіпқой боксшы Қанат Исламды қабылдады, - деп хабарлайды Tengrinews.kz тілшісі Ақорда сайтына сілтеме жасап.

Мемлекет басшысы Қасым-Жомарт Тоқаев кәсіпқой боксшы Қанат Исламды қабылдады, - деп хабарлайды Tengrinews.kz тілшісі Ақорда сайтына сілтеме жасап.

Кездесу барысында еліміздегі кәсіпқой боксты және балалар мен жасөспірімдер спортын, соның ішінде ауылдық жерлерде бокс үйірмелерін дамыту мәселелері талқыланды.

Орта салмақтағы WBO Inter-Continental белбеуінің иегері Қанат Ислам Қасым-Жомарт Тоқаевқа еліміздің спортшыларына қолдау көрсеткені үшін алғыс айтты.

Мемлекет басшысы боксшының алдағы өтетін жекпе-жектерде жеңіске жетуіне тілектестігін білдірді.

Естеріңізге салсақ, бұған дейін Қасым-Жомарт Тоқаев өзінің Instagram-аккаунтында Қанат Исламмен бірге жұдырығын түйіп тұрып түскен суретін жариялаған болатын. Мемлекет басшысы сол кезде боксшыға алдағы жекпе-жектерінде сәттілік тілеген еді.

Посмотреть эту публикацию в Instagram

Еліміздің мақтанышы, қазақтың намысты да қайсар ұлы Қанат Ислам. Алда өткізетін жекпе-жектеріне сәттілік тіледім. ........... Канат Ислам - наша гордость. Он с честью представляет Казаxстан на международной арене. Пожелал удачи в предстоящих боях.

Публикация от QASYM-JOMART TOQAYEV (@tokayev_online) 22 Май 2019 в 8:58 PDT

Қанат Ислам Тоқаев Қасым-Жомарт Бокс