Алматыда балабақшада балалардың ұрып-соғылғаны түсірілген видео: Тәрбиеші жұмыстан шығарылды

04 Мамыр, 10:29
0
Алматыда балабақшада балалардың ұрып-соғылғаны түсірілген видео: Тәрбиеші жұмыстан шығарылды - Видеодан алынған кадр
Видеодан алынған кадр

Алматыда балаларды ұрып-соққан тәрбиеші жұмыстан шығарылды, - деп хабарлайды Tengrinews.kz тілшісі Білім және ғылым министрлігінің баспасөз қызметіне сілтеме жасап.

Ведомстводағылардың мәліметінше, бұл оқиға 2 мамырда № 37 балабақшада болған. Тәрбиеші І кіші топтағы 2 жасар баланы ұрып жіберген. Баласының денесі көгергенін байқаған анасы балабақша басшылығына хабарласқан. Онда камерадағы жазбалар көрсетіліп, бұл дерек расталған.

"Тәрбиеші 3 мамырда жұмыстан шығарылды. Мектепке дейінгі мекеменің меңгерушісіне балабақшадағы бақылаудың нашарлағаны үшін сөгіс жарияланды. Алматы қалалық білім басқармасы мекеменің жұмысын қатаң бақылауға алды", - деп хабарлады БҒМ өкілдері.

Еске салайық, мұның алдында Желіде тәрбиешілердің балаларды ұрып-соққаны түсірілген видеоның таралғаны хабарланған болатын. Онда тәрбиешінің баланың қасына барып, өзіне қарай итеріп, басқа бөлмеге алып бара жатқаны көрінеді. Кейінірек ол бөлмеге тағы бір баланы алып кеткені көрінеді.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай