05 маусым 2014 | 10:47

Қызылордада жанып жатқан үйден 28 адам құтқарылды

Фото Tengrinews.kz мұрағатынан алынды

Қызылордадағы Әлихан Бөкейханов көшесіндегі көп қабатты үйдің бесінші қабатында өрт болды. Өртсөндірушілер сол үйде тұратын 28 тұрғынды қауіпсіз жерге шығарды, - деп хабарлайды Tengrinews.kz тілшісі Қызылорда облыстық ТЖД баспасөз қызметіне сілтеме жасап.

Қызылордадағы Әлихан Бөкейханов көшесіндегі көп қабатты үйдің бесінші қабатында өрт болды. Өртсөндірушілер сол үйде тұратын 28 тұрғынды қауіпсіз жерге шығарды, - деп хабарлайды Tengrinews.kz тілшісі Қызылорда облыстық ТЖД баспасөз қызметіне сілтеме жасап.

Қызылордадағы өрт маусымның 3-і күні болған. Өрт үй ішіне тартылған электр сымының тұйықталуынан шыққан. "Тексеру барысында өрт шықпас бұрын көп қабатты үйдің бесінші қабаты толықтай қара түтінге оранған екен. Жалын шарпыған жерге көп кешікпей жеткен өрт сөндірушілер автосаты арқылы 28 адамды аулаға, ал төртінші қабаттың 35 тұрғынын қауіпсіз жерге шығарған", - делінген ведомствоның баспасөз қызметі таратқан мәліметте.

Құтқарушылардың жедел әрекет етулерінің арқасында өрт кезінде кісі шығыны болған жоқ. Қазір жалын шарпыған аумақтың көлемі анықталуда.