+7 (777) 001 44 99
Қазақша
Русский
English
Қазақша
Русский
English
"Астана" футбол клубы Еуропа лигасының топтық кезеңіне шықты, деп хабарлайды Vesti.kz. Кипрдің АПОЭЛ командасына қарсы өткен қарымта ойында елордалық команда қарсыластарын кездесу соңындағы пенальти сериясында ұтты.
Ойынды елордалық команда шабуылмен бастады. Қарсыластар қорғана жүріп ойнауға көшті. Сондай сәттердің бірінде Марин Томасовтың тепкен добы Карлаоның қолына тиді. Бас төреші Якоб Кехлет ереже бұзылғанын аңғарып, пенальти белгіледі. 11 метрлік соққыдан Педро Энрике мүлт кеткен жоқ. Доп Ватерманн қорғаған қақпа торында тулады.
Екінші таймда есепті теңестіруге тырысты. "Астана" ойыншылары да аянып қалмады. 56 минутта Ричард Алмейданың тепкен добын АПОЭЛ қақпашысы қайтарып үлгерді. Ал 70 минуттан аса қонақтардың шабуылда қарқыны артты. Ненад Эричтің қақпасына жиі шабуылдаумен болды.
Негізгі уақыт аяқталар тұста елордалық команда ойыншыларының қарымта шабуылы жергілікті жанкүйерлерді желпіндірген. Алайда гол соғылмады. Ойын 1:0 есебімен аяқталып, командалар топтық кезеңге шыққан команданы экстра-таймда анықтауға аттанды.
Бірінші экстра-таймда қонақтар шабуылдаумен болды. "Астана" қорғаныста ойнады. Ал 115 минутта Педро Энрикенің артқа берген пасы сәтсіз болып, қонақтар гол соғуға аз қалды. Ненад Эрич алға шығып, допты қайтара білді. 1:0 есебі сақталып, жеңімпаз пенальти сериясында анықталды.
Пенальти сериясында "Астана" қақпашысы Ненад Эрич ерледі. Екі бірдей пенальтиді қайтарып, командасын алға сүйреді. Қонақтардың екі ойыншысы допты қиыс тепті. Нәтижесінде 2:1 есебімен "Астана" жеңіске жетті.
