+7 (777) 001 44 99
Қазақша
Русский
English
Қазақша
Русский
English
Қазақстан Президенті Қасым-Жомарт Тоқаев "Қазақстан темір жолы" компаниясының басшысын қабылдады, - деп хабарлайды Tengrinews.kz тілшісі Ақордаға сілтеме жасап.
Мемлекет басшысы "Қазақстан темір жолы" ҰҚ АҚ басқарма төрағасы Сауат Мыңбаевпен еліміздің теміржол саласының қазіргі жағдайы мен келешегін талқылады.
Басқарма төрағасы Қазақстан Президентіне компанияның 2019 жылдың алғашқы тоқсанындағы жұмыс нәтижелерін, осы жылға жоспарлары мен салалық Жол картасының жүзеге асырылудағы негізгі бағыттары туралы мәлімет берді.
Қасым-Жомарт Тоқаев теміржол тасымалын дамыту бойынша шаралар қабылдау қажеттігін айтты. Президент қазіргі басты мақсат ретінде темір жолдарды одан әрі модернизациялау, еліміздің көлік-логистика және транзиттік әлеуетін арттыру екенін атады.
Мемлекет басшысы кездесу соңында бірқатар нақты тапсырмалар берді.
