+7 (777) 001 44 99
Қазақша
Русский
English
Қазақша
Русский
English
Жуынды нәжіс ағатын унитазын алтыннан салған адамдардың миын ақтарып көргім келеді осы. Бұл паталоганатомның қиялы емес - ол да алтындатылған шығар, бәлкім.
Осындайда дүние-теңіздің суы ащы, оны ішкен сайын шөлдей бересің, бір қанбайсың деген ғұламалардың сөзі еріксіз еске оралады. Өзі адам кедей болып тұрғанда "шіркін-ай, бай болсам, өзім тақылеттес кедейлерге садақа беріп, жағдайын жасап, анау бір мектептің терезесін салып, тегін балалар алаңын жасар едім" деп түрлі қиялды сан тарапқа сабылтады. Тілейді. Соған сай тірлігін жасайды.
Адам бай болғанда сол тілек пен қиялды дүниенің мастығы жеңеді екен. Көбіне. Егер сенімің мен ішкі рухани тірегің "тағы бір жаңа Коенигсеггті, тағы бір мароккалық сұлуды, тағы бір Фиджидегі вилланы" көру деген ессіз дәмеге айналып кетпесе, айналаңдағы шын достарың сол алтын унитаздың ішінен су ішетін қуларға айналып кетпесе... әрине.
Кедей болған қиын – себебі, отбасынның толық хақын беру қиын. Қарапайым ғана тәніне күтім жасай алмай, тісіңді жуатын паста таппай қалудың өзі әрине қасірет.
Бай болған қиын – себебі, тек отбасынның ғана хақын беріп, артығымен берілген байлықтан үлесі бар қоғам, айналаң, мемлекетің тыс қалады. Аманатқа қиянат жасап жіберуің ғажап емес. Өзіне берілген мөлшерді білмей қалып, өзгенің меншігін қарпып алуың ғажап емес.
Жалпы, бай болғанда ештеңе де ғажап емес... Әлдебір президенттің алтын унитазын көріп әртүрлі хаотикалық ойлардың келгені ғой, айып етпессіздер :))
Осы тұста кейбір дүниенің қайырсыздығына байланысты тарихтан әйгілі Атауальпа сатып алуын (выкуп) еске салғым келеді. 1533 жылы инктердің көсемі Атауальпа испан басқыншыларының қолына түсіп қалады да, испандар мынадай шарт қояды: Барынша көп алтын мен күмісті әкеліңдер. Тайпалар әкеледі - жиналған алтын мен күмістен үлкен бөлмеде адамның көтерілген қолы көрінбей қалады. Қазіргі өлшеммен, бұл 5993 келі алтын және осыдан 2 есе көптеу күміс.
Бірақ сөйткен Атауальпа бәрібір испандардың қолынан өлтірілді. Өлгенде де алдымен өртейтін болған. Бірақ христиандыққа мойынсұнсаң жеңіл өлім - гаррота арқылы қылқындырып өлтіреміз деген ұсыныс жасаған. Ол қабылдады - ол өлтірілді. Солай.
Осындай сұмдық олжа Америкаға анталаған еуропалықтардың басқыншылығын үдетіп, жергілікті тайпалардың жойылуына алып келді. Бәрінің тілегі алтынға баю болды. Атауальпаның бәрібір өлгені анау, ал Испания бюджетіне қосылған осы алтынның 5-тен 1 бөлігінің өзі аса үлкен инфляция тудырды. Қысқасы, қай жағынан да қайырсыз болған алтындар көсемге де, басқыншы елдің бюджетіне де, не жергілікті тайпаларға да пайдасын бермеді.
Түйінін қалай түйіндесем екен? Бай болудан ешкім шектемейді. Мемлекет те, дін де, мораль да... Бірақ бай болу бақыт та емес....
Бір сөзбен: "Алтынның түбіне ешкім жеткен жоқ қой, Алтын жеткен түбіне талайлардың" (Мұхтар НИЯЗОВ).
Комментарий отправлен на модерацию 
1
Бір елдің патшасы жеке қазынасын алтынға толтыру үшін, халқына алтын жинауды бұйырыпты. Бүкіл жұрт үйлеріндегі, қолдарындағы алтындарды патшаға әкеп тапсырыпты. Алтындарды көріп, одан сайын ашкөзденген патша ел-жұртқа тағы да көп-көп алтын тауып әкелуді әмір етеді. Билеушінің қаһарынан қорқып тентіреген ел сол мекенде өмір сүріп жатқан ақсақалды әулие кісінің алдына барып арыздарын айтыпты. Жүдеу жұрттың жүзін көрген әлгі дуалы ауыз ақсақал "Мен оны алтынға тойдырайын" деп патшаның сарайына қарай бет алған екен. Ол барып патшаны ақылға шақырғанымен, тақта отырған патша оның сөздерін тыңдағысы келмейді. Сонда әулие ақсақал: "Ұстағаның да, тістегенің де алтынға айналсын" деп сарайдан шығып кетіпті. Сол сәттен бастап патша қолын тигізген заттың барлығы алтынға айналып кете беретін болған екен. Таяқты ұстаса ол да алтын. Киімді ұстаса ол да алтын. Далаға шығып қолына қара тасты ұстаса, ол да алтын болып кетіпті. Не керек біраз мәз-мейрам болған соң, патшаның қарны аша бастапты. Аузына алма салса, піскен жеміс сары алтынға, нанды тістесе ол да арманындағы қымбат металлға айналып шыға келеді. Ақыр соңында қомағай патша дәм-тұзсыз қалып, аштан өліпті деседі.
1 
Қолданушыларымызға ыңғайлы болуы үшін пікір авторларының орналасқан жерін автоматты түрде анықтау функциясын жасадық.
Главные новости Казахстана 
Главные новости Казахстана Главные новости Казахстана Главные новости Казахстана0:00
Главные новости Казахстана
Бір елдің патшасы жеке қазынасын алтынға толтыру үшін, халқына алтын жинауды бұйырыпты. Бүкіл жұрт үйлеріндегі, қолдарындағы алтындарды патшаға әкеп тапсырыпты. Алтындарды көріп, одан сайын ашкөзденген патша ел-жұртқа тағы да көп-көп алтын тауып әкелуді әмір етеді. Билеушінің қаһарынан қорқып тентіреген ел сол мекенде өмір сүріп жатқан ақсақалды әулие кісінің алдына барып арыздарын айтыпты. Жүдеу жұрттың жүзін көрген әлгі дуалы ауыз ақсақал "Мен оны алтынға тойдырайын" деп патшаның сарайына қарай бет алған екен. Ол барып патшаны ақылға шақырғанымен, тақта отырған патша оның сөздерін тыңдағысы келмейді. Сонда әулие ақсақал: "Ұстағаның да, тістегенің де алтынға айналсын" деп сарайдан шығып кетіпті. Сол сәттен бастап патша қолын тигізген заттың барлығы алтынға айналып кете беретін болған екен. Таяқты ұстаса ол да алтын. Киімді ұстаса ол да алтын. Далаға шығып қолына қара тасты ұстаса, ол да алтын болып кетіпті. Не керек біраз мәз-мейрам болған соң, патшаның қарны аша бастапты. Аузына алма салса, піскен жеміс сары алтынға, нанды тістесе ол да арманындағы қымбат металлға айналып шыға келеді. Ақыр соңында қомағай патша дәм-тұзсыз қалып, аштан өліпті деседі.