+7 (777) 001 44 99
Қазақша
Русский
English
Қазақша
Русский
English
Әріптестермен арадағы тату қарым-қатынас адамды бақытты ете түседі. Linkedln сайтында бүкіл әлемнің ерлері мен әйелдері арасында жүргізілген сауалнамадан соң зерттеушілер осындай қорытындыға келді. Бұл туралы Business Standard хабарлайды.
Зерттеушілер 11500 адамнан сауалнама алды, олардың 46%-ы мұндай достық жұмыс күндерін сәтті етеді деп сенеді. LinkedIn cайтының сарапшысы Николь Уильямс жұмыс орнында тату атмосфераның болуы қызметкерлердің еңбек өнімділігін айтарлықтай арттыратынын айтады.
Сауалнамаға қатысушылардың әрбір бесіншісі жұмыстағы достықтың әріптестерімен бәсекелесуге итермелегенін атап өтті. Жастардың 68%-ы қызметте жоғарылау үшін мұндай достықты құрбан етуге дайын болып шықты. Ал ересек респонденттердің 62%-ы мансап үшін әріптестер арасындағы достыққа ешқашан қаяу түсірмейтінін айтқан. Жас жұмыскерлердің 50%-ы кеңседегі достық жұмысқа деген ынтаны арттырады деп жауап берсе, 55-65 жастағы қызметкерлердің 45%-ы әріптестермен арадағы достық еңбек өнімділігіне ешқалай әсер етпейді деп есептейді.
