+7 (777) 001 44 99
Қазақша
Русский
English
Қазақша
Русский
English
Түркияда күрдтер ұйымдастырған тәртіпсіздіктер алты провинцияның жергілікті билігін коменданттық сағат енгізуге мәжбүрледі, - деп хабарлайды РИА Новости.
"Ислам мемлекеті" содырлары Сириядағы күрдтер тұратын Кобани қаласын басып алған болатын. Түркия билігі бұл жанжалға араласпауды ұйғарды. Бұған наразы түркиялық күрдтер елде тәртіпсіздік жасап жатыр. Диярбақыр, Мардин, Сиирт, Муш, Ван және Батма провинцияларында коменданттық сағат енгізілді.
6 қазаннан бері Түркияда тәртіпсіздіктердің салдарынан 15 адам қайтыс болды. Наразылық шарасы барысында тағы бірнеше ондаған адам жарақат алды. Жастар дүкендерді қиратып, полицияны таспен, май құйылған құтылармен атқылап жатыр. Полицейлер бүлікшілерге қарсы су мен көз жасауратқыш газ қолданып отыр. Атыс қаруын қолдану жағдайлары тексеріліп жатыр.
Сириядағы Кобани қаласы - күрд автономиялық әкімшілігінің ірі орталықтарының бірі. Сирияда экстремистер одан басқа тағы 60 курд ауылын басып алды. Кобаниден Түркияға 140 мыңнан астам азамат қашып келді. Қаланы қорғауға 1,5 мыңнан астам күрд еріктісі барды. Еске сала кетейік, 2014 жылдың жазында "Ислам мемлекеті" тобы Сирия мен Ирактағы басып алған аумақтарында "халифат" жариялаған болатын.
