+7 (777) 001 44 99
Қазақша
Русский
English
01 ақпан 2019 | 12:05
"Әлем чемпионы болғанша боксты тастамаймын" - Жанқош Тұраров жоспары жайлы
Қазақстандық кәсіпқой боксшы Жанқош Тұраров (22-0, 15 КО) ұзақ үзілістен кейін карьерасын жалғастыруға дайындалып жатыр. Спортшы өзінің қазіргі жағдайы туралы Vesti.kz порталына берген сұхбатында мәлімдеді.
ПОДЕЛИТЬСЯ
Қазақстандық кәсіпқой боксшы Жанқош Тұраров (22-0, 15 КО) ұзақ үзілістен кейін карьерасын жалғастыруға дайындалып жатыр. Спортшы өзінің қазіргі жағдайы туралы Vesti.kz порталына берген сұхбатында мәлімдеді.
28 жастағы Тұраров жартылай орта салмақта жұдырықтасады. Кәсіпқой бокстағы карьерасын он жыл бұрын бастаған, алайда 2017 жылдың қыркүйегінен рингке шықпады. Боксшы соңғы жекпе-жекте жарақат алған еді.
"Иә, жаттығуды бастадым, қалпыма келіп жатырмын. Бапкерім - Сағатбек Мұсаханов дайындап жатыр. Жекпе-жекке қатысты әлі ештеңе айта алмаймын. Жақын күндері ақпарат болады", - дейді боксшы.
Қазақстандық спортшы қандай ем қабылдағанын және өз өмірінде бокстың алатын орны жайлы айтты.
"Қолымды емдедім. Бәрі жақсы. Әрине, бокс менің өмірім. Әлбетте сағынамын. Бірақ алда әлі жақсы жекпе-жектер болады деген үміттемін. Әлем чемпионы болғанша боксты тастамаймын", - деді Тұраров.
Показать комментарии
Читайте также
