+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Баконьерлер инспекторлардың машиналарына Жезқазған мен Қызылорда аумағындағы далада оқ жаудырған, - деп хабарлайды Tengrinews.kz тілшісі Ақбөкен ҚҚ директоры Игорь Милосердовқа сілтеме жасап.
Баконьерлер инспекторлардың машиналарына Жезқазған мен Қызылорда аумағындағы далада оқ жаудырған, - деп хабарлайды Tengrinews.kz тілшісі Ақбөкен ҚҚ директоры Игорь Милосердовқа сілтеме жасап.
"Оқиға кеше болды. Сол кезде жұмыс бабымен Қарағандыға бара жатқан едім, бірақ бір сәтте қайта артқа қайтуым керек болды. Яғни, мен бұл оқиға болып қойған соң ғана келдім. Инспекторлардың айтуынша, олар көліктердің соңынан жүрген. Бір-біріне жақын қашықтықта болған. Көлікке қарай екі рет оқ атылды. Сосын браконьерлердің көлігінен инспекторларға қарай бір зат ұшып кетті де, көлік өртене бастады. Инспекторлар жанып жатқан көліктен жүгіріп шықты. Нақты қанша браконьердің болғаны белгісіз. Үш инспектор болды, олар Алматыдан. Ешкім зардап шеккен жоқ. Өздері солай айтып отыр. Бірақ расында барлығы қалай болғанын тергеу анықтайды. Себебі инспекторлар басқа түсінік беруі мүмкін, ал оқиға орнын тексерген соң басқа деректер анықталуы мүмкін", - деді Игорь Милосердов.
Сондай-ақ, ол инспекторлардың өртеніп кеткен көлігі қазіргі уақытта оқиға орнында екенін айтты. Оны әдейі ешкім ұстамаған. Көлікті видеотіркеу құрылғысы, рациясы бар. Бірақ оларды қайта қалпына келтіру мүмкін емес. Себебі көлік түгі қалмай өртеніп кеткен. Директор әзірше полицияға хабарласпаған, себебі оған жұмыс бабымен жедел түрде Қарағандыға кетуге тура келген. Ер адамның айтуынша, ол жұмыстарын аяқтаған соң құқық қорғау органдарына хабар береді.
"Қазір нақты бір мәлімет айту мүмкін емес. Мамандар оқиға орнында жұмыс істеуі керек. Көліктің оң жағы өртеніп кетті. Келтірілген шығынды әлі есептемедік. Инспекторлар белгілі бір уақытқа дейін көліктің ішіндегі заттарды алып шықпақшы болды. Көлікте екі бак бензин болды, ол кез келген уақытта жарылып кетуі мүмкін еді", - деді директор.
Еске сала кетейік, осыған дейін Қарағанды облысында браконьерлердің инспекторларға оқ жаудырғаны хабарланған еді. Бұл туралы Facebook желісінде Марғұлан Сейсенбаев хабарлаған болатын. "Бүгін Ақбөкен ҚҚ территориясында инспекторлық қызмет атқару үстінде инспекторлар браконьерлермен қақтығысқанын айтып берді. Бір экипажға оқ жаудырған. Осыдан кейін қашып бара жатқан машинадан біздің көлікке қарай белгісіз зат лақтырды, сосын көлік өртенді. Адамдар зардап шеккен жоқ, тек киімдері бүлінді. Машина толықтай өртеніп кетті. Видеосы бар", - деп жазды ол.
