+7 (777) 001 44 99
Қазақша
Русский
English
Қазақша
Русский
English
Дәрігерлер "Манчестер Юнайтед" клубының швед форварды Златан Ибрагимовичтің оң тізесінің жарақатын анықтады. Футболшы спортпен қош айтысуы мүмкін, - деп хабарлайды P-Спорт порталы Record басылымына сілтеме жасап.
Ибрагимович Еуропа Лигасының ширек финалында бельгиялық "Андерлехт" клубымен қарымта кездесуде жарақат алған. Ойын барысында 35 жастағы швед оң аяғына сәтсіз қонып, тізесі ішке қарай бүгіліп кеткен.
Ибрагимовичтің жарақат алған сәті. © AFP
Әдетте мұндай жарақаттан кейін қалыпқа келу үшін алтыдан тоғыз айға дейін уақыт керек. Ал Ибрагимовичтің жазда "Манчестер Юнайтед" командасымен келісімшартының уақыты аяқталады.
Швед шабуылшы осы маусымда түрлі турнирде "Манчестер Юнайтед" командасының 46 матчына қатысып, 28 гол соқты. Бұл клубта ол 2016 жылдың жазынан бері ойнап жүр. Осы уақытта ол Лига кубогын және Англиялық Суперкубогын жеңіп алды.
