+7 (777) 001 44 99
Қазақша
Русский
English
Қазақша
Русский
English
2015 жылы Қазақстанның 1324 әскериі мен олардың отбасылары пәтерлі болады, - деп хабарлайды Tengrinews.kz тілшісі ҚР Қорғаныс министрлігінің баспасөз қызметіне сілтеме жасап.
"2015 жылы 1 324 қазақстандық әскери қызметші және олардың отбасы баспанамен қамтамасыз етіледі. Атап айтқанда, тұрғын үймен қамту Астана, Алматы, Өскемен, Семей, Талдықорған, Қызылорда, Қарағанды, Тараз, Шымкент, Павлодар, Қостанай, Жаркент, Теміртау және Аягөз қалаларында, Гвардейск, Сарыөзек, Бауыржан Момышұлы, Отар, Арнасай, Ақмол ауылдарында құрылыс, күрделі жөндеу мен сатып алу тәсілі арқылы пайдалануға берілетін болады", - делінген баспасөз хабарламасында.
Айта кетейік, ведомствоның мәліметінше, 2009-2014 жылдар аралығында Қазақстанның түрлі қалалары мен өңірлерінде 6336 пәтер (оның ішінде 63-і жалға берілген) мен 273 пәтерлі 201 коттедж берілген.
Үймен қамтамасыз ету, ведомство өкілдерінің айтуынша, қазақстандық әскерилерді әлеуметтік қолдаудың негізгі бағыттарының бірі екенін айтады. "Осылайша әскери қызметшілер мен олардың отбасыларының өмір сүру деңгейі сапалы түрде жақсарып, әскери қызмет өтеу жерлерінде өмір сүру үшін жайлы жағдайлар жасалған пәтерлерде тұратын болады", - дейді ҚР Қорғаныс министрлігінің өкілдері.
Еске сала кетейік, Қазақстан Республикасының қолданыстағы заңнамасына сәйкес, 2013 жылдың 1 қаңтарында келісімшарт бойынша еңбек өтілі 10 жылға жетпеген әскерилерге қызметтік баспана беріледі немесе баспанамен қамтамасыз етілгенше пәтер жалдау үшін ақшалай өтемақы төленеді. Бүгінгі таңда Қорғаныс министрлігінде қолданыстағы жүйемен қатар кейіннен ҚР Қорғаныс министрлігінің жекеменшігіне аударылатын пәтерлерді жалға беру мәселесі қарастырылып жатыр.
