+7 (777) 001 44 99
Қазақша
Русский
English
Қазақша
Русский
English
"Ислам мемлекеті» лаңкестік ұйымының содырлары жылжымалы зениттік-зымыран кешенмен қаруланыпты (ЖЗЗК)", - деп хабарлайды РИА Новости неміс БАҚ-тарына сілтеме жасап. Айта кетерлігі, ЖЗЗК-нің көмегімен жолаушылар ұшағын оңай құлатуға болады екен.
БАҚ мәліметтеріне қарағанда, Германияның барлау қызметі бундестаг депутаттарына "ошағы Ирактың солтүстігіндегі "Ислам мемлекеті" ұйымының еншісінде әуе шабуылына қарсы қарулар бар", - деп хабарлапты. Алайда нақты қандай түрлері екендігі ашық айтылмайды. БАҚ, сонымен қатар, "ЖЗЗК әсіресе ұшақтың әуеге ұшуы мен жерге қонуы кезінде аса қауіпті", - деп жазған екен.
Айтпақшы, ЖЗЗК – ресейлік немесе басқа елдерде шығарылуы мүмкін көрінеді. Кейбір қару-жарақтар 1970 жылы жасалса керек. Олардың ішінде бүгінгі күнгі үлгілер де жоқ емес сияқты.
Ал дәл осы кездері АҚШ-тың Қарулы Күштерінің Орталық командованиесі "бүгін, 26 қазан күні АҚШ-тың әскери әуе күштері мен бізді қолдап отырған "Ислам мемлекеті" ұйымына қарсы халықаралық коалициясы әуеден бірнеше шабуыл жасады. Әуесоққыларының 12-сі Иракқа, бесеуі Сирияға бағытталды", - деген ақпарат таратып отыр.
Сириядағы әуе операцияларына негізінен АҚШ-тың ұшақтары ғана қатысыпты. Десек те, Ирактағы "Ислам мемлекеті" ұйымын оқтың астына алған оларға, жоғарыда сөз болғандай, "Ислам мемлекеті" ұйымына қарсы халықаралық коалициясы көмектескен.
