26 тамыз 2016 15:33

Назарбаев Ниязымбетов пен Левитті алтын медаль иегері ретінде марапаттады

ПОДЕЛИТЬСЯ

© Тengrinews.kz © Тengrinews.kz

Қазақстан Республикасының Президенті Нұрсұлтан Назарбаев Әділбек Ниязымбетов пен Василий Левитті алтын медаль иегері ретінде жеңімпаз деп санауға болады деген пікір айтты, - деп хабарлайды Тengrinews.kz тілшісі.


Қазақстан Республикасының Президенті Нұрсұлтан Назарбаев Әділбек Ниязымбетов пен Василий Левитті алтын медаль иегері ретінде жеңімпаз деп санауға болады деген пікір айтты, - деп хабарлайды Тengrinews.kz тілшісі.

Олимпиада чемпиондарын марапаттау рәсімі "Қазақстан" орталық концерт залында өтіп жатыр. Назарбаев спортшыларды табысты өнер көрсеткені үшін құттықтап, олардың жеңісі Қазақстанның егемендігіне 25 жыл толу мерекесіне сый болғанын айтты.

"(...) Боксшылар Әділбек Ниязымбетов пен Василий Левитті біз барлығымыз Олимпиада ойындарының алтын медалі иегері ретінде санауымыз керек. Сондықтан мен олардың ынталандыру сыйларын алтын медаль иегерлерімен теңестірдім", - деді Назарбаев.

"Сіздер менің және Қазақстанның барлық жанкүйерлерінің үмітін ақтадыңыздар, біздің еліміздің абыройын биік ұстадыңыздар. Біздің құрама 17 медаль жеңіп алды. Бұл көрсеткіш бұрынғы Олимпиада ойындарындағы Қазақстан құрамасының алып жүрген медальдарынан көп", - деді Президент.

Елбасы спортшылардың түрлі ұлттан екенін, соған қарамастан барша қазақстандықтар біздің спортшыларға жұмыла жанкүйер болғанын айтты.

"Барлығымыздың қуанышымыз шексіз, себебі олимпиялық тұғырда қазақстанның әнұраны үш рет орындалып, туымыз көтерілді. Осы орайда боксшы Данияр Елеусіновтің, тұңғыш рет жүзуден бірінші орын иеленген Дмитрий Баландинның алтындарының арқасында көптеген адам жүзуге қызығушылық танытады деп ойлаймын, ауыратлет Нижат Рахимовтың еңбегін ерекше атап өту керек", - деді Мемлекет басшысы.

Елбасы болашақта Қазақстанның күміс медальдар мен қола медальдар санын көріп, одан да биік белестерге ұмтылу керектігін айтты.

Рио Олимпиадасында қазақстандық спортшылардың арасында алтын алған спортшылар: ауыр атлет Нижат Рахимов, жүзуші Дмитрий Баландин және боксшы Данияр Елеусінов. Күміс медальдар: боксшылар: Василий Левит пен Әділбек Ниязымбетов, ауыр атлет Жәзира Жапарқұл, дзюдошы Елдос Сметов және балуан Гүзел Манюрова. Қола медаль иеленген спортшылар: ауыратлеттер Фархад Харки, Карина Горичеева және Александр Зайчиков, боксшылар Иван Дычко және Дариға Шәкімова, балуандар Эльмира Сыздықова мен Екатерина Ларионова, дзюдошы Галбадрах Отгонцэцэг және жеңілатлет Ольга Рыпакова.

Жалпы Рио Олимпиадасына Қазақстанның атынан 26 спорттың түрінен 104 спортшы қатысты. Өткен Ойындар Еліміз үшін күміс медальдар бойынша және жалпы медальдар саны бойынша өзіндік рекорд орнатты.

Читайте также
Join Telegram

Валюта бағамы

 446.77   483   4.85 

 

Ауа райы

 

Редакция Жарнама
Социальные сети