+7 (777) 001 44 99
Қазақша
Русский
English
Қазақша
Русский
English
1 шілдеден бастап Семейде такси ақысы арзандайды, деп хабарлайды Tengrinews.kz тілшісі.
Семейде "Таксомотор паркі" ЖШС екі айлық акция ұйымдастырып отыр. Бүгін мекеме басшылары акцияның басталғанын жариялап, өздерінің тұрақты клиенттері арасында жүлделер ойнатылымын жүргізді.
"Бағаның өсіп бара жатқанына қарап, біз өз қызметіміздің бағаларын төмендетуге және "Әркімге қолжетімді такси" акциясын өткізуге бел будық", - дейді компанияның атқарушы директоры Владимир Халин.
Халин қазір өздерінің парктерінде үш түрлі қызмет бағасы орнатылғандығын атап өтті: 300, 400 және 600 теңге. "Сіз таксиді 181 нмірі арқылы шақыртасыз да, оң немесе сол жағалаулар аумағында 300 теңге төлейсіз, егер сізге бір жағалаудан екіншісіне бару керек болса, онда 400 теңге төлейсіз, ал шалғайдағы аудандарға 600 теңгеден артық төлемейсіз", - деп нақтылай түсті де, атқарушы директор бұл акцияның таксишілердің жалақыларына ешқандай да әсер етпейтіндігін, барлық шығынды кәсіпорын өз мойнына алатындығын өз сөздеріне қосты.
