+7 (777) 001 44 99
Қазақша
Русский
English
Қазақша
Русский
English
Атырау облысының Доссор елді мекенінде 11-сынып оқушысы дайындық түріндегі ҰБТ-ны тапсырғаннан кейін өз-өзіне қол жұмсады, - деп хабарлайды "Ақ Жайық".
Төтенше оқиға 17 ақпан күні болды. Қанатбаев атындағы мектептің 11-сыныбында оқитын қыз бала дәрі-дәрмекті көп мөлшерде жұтып қойған. "Қыз өлім алдында хат қалдырмады, бірақ бұған математика пәні бойынша дайындық сынағы түріндегі ҰБТ-дан төмен балл алуы себеп болуы мүмкін деп топшылап отырмыз. Оның сыныптастарына ҰБТ-ны сәтсіз тапсырса, өз-өзіне қол жұмсайтынын айтқаны анықталды", - дейді Мақат ауданы прокурорының орынбасары Досбол Бағытжанов.
Бұл оқиға бойынша ҚР ҚК 105-бабымен ("Өзін-өзі өлтіруге итермелеу") қылмыстық іс қозғалды, тергеуалды тексеріс жүріп жатыр. Еске салайық, өткен қыркүйек айында "Денсаулық және жастардың дамуы" бағдарламасының үйлестірушісі Айгүл Қадырова оқушылар арасындағы суицидтің ҰБТ-мен байланысты емес екенін айтқан еді. Оның айтуынша, бұған Қазақстандағы жасөспірімдер арасындағы өзін-өзі өлтіру оқиғаларының себептеріне арналған зерттеудің нәтижесінде көз жетті.
